ەلباسى نۇرسۇلتان نازارباەۆ «شارلي ەبدو» باسىلىمى رەداكتسياسىنا قاتىستى جاسالعان تەررورلىق ارەكەتكە بايلانىستى فرانتسۋز رەسپۋبليكاسى پرەزيدەنتى فرانسۋا وللاندقا كوڭىل ايتۋ جەدەلحاتىن جولدادى، دەپ حابارلادى اقوردانىڭ ءباسپاسوز قىزمەتىنەن.  

جەدەلحاتتا تەررورلىق ارەكەت سالدارىنان فرانتسۋز ازاماتتارىنىڭ قازا تاپقانى تۋرالى سۋىت حاباردى مەملەكەت باسشىسى ۇلكەن كۇيزەلىسپەن قابىلداعانى جونىندە ايتىلعان.
«بۇگىنگى كۇنى تەرروريزمنىڭ ەتەك الۋى بارلىق مەملەكەتتەر ءۇشىن ورتاق قاۋىپ-قاتەرگە اينالىپ وتىر. قازاقستان ءوز تاراپىنان حالىقارالىق قاۋىپسىزدىككە قاتەر تۋعىزاتىن لاڭكەستىك پەن ەكسترەميزمنىڭ كەز كەلگەن ءتۇرىن ايىپتايدى»، دەلىنگەن جەدەلحاتتا.
نۇرسۇلتان نازارباەۆ قازاقستان حالقىنىڭ جانە جەكە ءوزىنىڭ اتىنان وقيعا قۇرباندارىنىڭ وتباسىلارى مەن تۋعان-تۋىستارىنا، سونداي-اق بۇكىل فرانتسيا حالقىنا شىن نيەتپەن كوڭىل ايتتى. 

اباي-اقپارات.