قاراعاندى قالاسى قازىبەك بي اۋداندىق سوتىنىڭ قاۋلىسىمەن سەرىك احمەتوۆتىڭ ءۇي قاماقتا بولۋ مەرزىمى تاعى ءبىر ايعا ۇزارتىلدى. ياعني، جەمقورلىققا قاتىستى ايىپتالعان بۇرىنعى اسكەرباسى 18 اقپانعا دەيىن ءوز ءۇيىنىڭ اۋلاسىنان ۇزاپ شىعا المايدى.

قازاقستانداعى تانىمال شەنەۋنىك قر مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگىنىڭ ايىپتاۋى بويىنشا كۇدىكتى دەپ تانىلىپ، قاراعاندى قالاسىنداعى جەكە ءۇي-جايىنان شىقپاي وتىرعالى 2 اي مەرزىم وتكەن ەدى. تەرگەۋ ءىسىنىڭ سوزىلىپ كەتۋىنە بايلانىستى مىرزاقاماقتىڭ ۋاقىتى تاعى دا ۇزارتىلدى.

ال، سەرىك احمەتوۆكە تاعىلعان ايىپتىڭ ءبىر ۇشى  قاراعاندى وبلىسىنىڭ ەكس-اكىمى، قازىر قاماۋدا وتىرعان باۋىرجان ابدىشەۆتىڭ ىسىنە بارىپ تىرەلەدى. سىبايلاس جەمقورلىققا قاتىسى بار دەگەن  كۇدىكپەن ايىپتالعاندار قاتارىندا وسى وبلىستىڭ تاعى دا بىرقاتار لاۋازىمدى تۇلعالارى بار.

اباي.kz