ۋكراينانىڭ شىعىسىندا ءجۇرىپ جاتقان اسكەري وپەراتسيالاردان 181 ادام قازا تاۋىپ، 293 ادام جارالاندى دەپ حابارلادى «ازاتتىق راديوسى» اتالعان ەلدىڭ  باس پروكۋراتۋرانىڭ مىندەتىن اتقارۋشى ولەگ ماحنيتسكيگە سىلتەمە جاساپ. قازا تاپقانداردىڭ 59-ى – اسكەريلەر.

ماحنيتسكيدىڭ سوزىنشە، قازا بولعاندار تۋرالى دەرەكتەر دونەتسك جانە لۋگانسك وبلىستارىنان الىنعان، قۇرباندار “تەرروريستىك ارەكەتتەردىڭ” سالدارىنان قازا تاپقان. سەپاراتيستەر مەن بەيبىت تۇرعىندار اراسىندا قانشا ادام قازا بولعانى تۋرالى دەرەك جوق.بۇعان دەيىن ۋكراينا بيلىگى مەن ءوزىن-ءوزى جاريالاعان “حالىق رەسپۋبليكالارىنىڭ” وكىلدەرى قازا تاپقاندار تۋرالى ءارتۇرلى دەرەك كەلتىرگەن ەدى. سلاۆيانسكىنىڭ ءوزىن-ءوزى جاريالاعان “مەرى” ۆياچەسلاۆ پونومارەۆ ۋكراين اسكەريلەرى 650 ادامىنان ايىرىلدى دەگەن. ال كيەۆ دونەتسك اۋەجايىنا شابۋىلداعان ۇرىستا 200 سەپاراتيستىڭ كوزى جويىلعانىن حابارلاعان.

اباي-اقپارات