ءبىر جارىم جىل ىشىندە قازاقستاندا 300 ميللياردقا جۋىق تەڭگە ۇرلانعان. بۇل تۋرالى Tengrinews.kz  قازاقستان ەكونوميكالىق جانە  جەمقورلىق قىلمىستارمەن كۇرەس  اگەنتتىگىنىڭ ورىنباسار حاتشىسى مارات احمەتجانوۆتىڭ  مالىمدەمەسىنە سىلتەمە جاساپ حابارلادى.

ونىڭ حابارلاۋىنشا 2013 جىلى جەمقورلىق فاكتىلەرمەن بايلانىستى 10 مىڭنان استام، بيىلعى جىلعى العاشقى بەس ايدىڭ قورىتىندىسى بويىنشا 5 مىڭنان استام جەمقورلىق ءىس تىركەلگەن. سونداي-اق 2013 جىلعى  قىلمىستاردىڭ 27 پايىزى اۋىر جانە وتە اۋىر قىلمىستارعا جاتادى. 65 پايىزى ەكونوميكالىق قىلمىستار بولىپ تابىلادى. 21 پايىزدان استامى جەمقورلىق قىلمىستار. ءبىر جارىم جىل بويىنشا ەكونوميكالىق قىلمىستارعا 290 ميلليارد تەڭگە اينالىمعا تۇسكەن. ونىڭ 157 ميلليارد تەڭگەسىنە شارا قولدانىلعان.

ارنايى مالىمەتتەر بويىنشا 300-دەي ادام ءار ءتۇرلى دەڭگەيدە جەمقورلىق ارەكەتتەرمەن قىلمىستىق جاۋاپكەرشىلىكتەر ارقالاعان.ولاردىڭ ىشىندە 22-ءسى رەسپۋبليكالىق ماڭىزى بار، 83 وبلىستىق ماڭىزى بار ىستەر بولىپ تابىلادى.

مارات احمەتجانوۆ ۇلكەن ەكونوميكالىق قىلمىس ىستەرى ستاتيكاسىنىڭ قاتارىنا اۋىل شارۋاشىلىعى ءمينيسترىنىڭ ورىنباسارىن، «قازاقستان عارىش ساپارى» ۇلتتىق كومپانياسىنىڭ پرەزيدەنتىن، اتىراۋ وبلىسىنىڭ بۇرىنعى اكىمىن، «قازاتومپروم» ۇلتتىق كومپانياسىنىڭ جانە «قازاقستان تەمىر جولى» كومپانياسىنىڭ  پوپ مەنەدجەرىن اتادى. 

اباي-اقپارات