ي.تاسماعامبەتوۆ يۋنەسكو مەدالىمەن ماراپاتتالادى دەپ حابارلايدى "kaz.gazeta". بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە قر يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ باس حاتشىسى اسەل وتەگەنوۆا ءمالىم ەتكەن. 

«كەڭەستىڭ سالتاناتتى اشىلۋ ءراسىمى وتە جوعارى دەڭگەيدە ۇيىمداستىرىلادى. وعان ۇكىمەت باسشىسىنىڭ قاتىسۋى جوسپارلانىپ وتىر.  استانا قالاسىنىڭ اكىمى يمانعالي تاسماعامبەتوۆ يۋنەسكو مەن قازاقستان اراسىنداعى ىنتىماقتاستىقتىڭ دامۋىنا قوسقان ۇلەسى ءۇشىن ۇيىم باسشىسى قولىنان يۋنەسكو مەدالىن الادى»، - دەدى ول.

ونىڭ اتاپ وتۋىنشە، وسى جيىن بارىسىندا يۋنەسكو-نىڭ بۇكىلالەمدىك مادەني مۇرا تىزىمىنە ەنگەن قازاقستاننىڭ 8 ەسكەرتكىشىنە ديپلومدار تابىس ەتىلەدى.

سونىمەن قاتار ءىس-شارا اياسىندا 2 كورمە وتەدى. شىلدەنىڭ 22-ءسى كۇنى وتەتىن كورمە ماتەريالدى ەمەس مادەني مۇراعا ارنالادى. ال شىلدەنىڭ 24-ءى كۇنى قازاقستان حالقى اسسامبەلياسىنىڭ كورمەسى ۇيىمداستىرىلادى. سونداي-اق القالى جيىنعا قاتىسۋشىلار كوشپەندىلەر وركەنيەتى فەستيۆالىن تاماشالايدى.

اباي-اقپارات