مۇحامبەديا احمەتوۆ – دارىگەر. بۇل كىسى ماماندىعىم، كاسىبىم باسقا دەپ قاراپ جۇرە المايتىن ادام: ءتىل تازالىعى ءۇشىن كۇرەسىپ، بۇگىنگى جۇرت قازاق ءتىلىنىڭ تابيعي قالپىن بۇزباي قولدانۋى ءۇشىن بىلگەنىن ورتاعا سالىپ، اڭگىمەسىن اركەز  باتىل ايتىپ كەلەدى. شارشامايدى، تالمايدى. «شاقىرعاسىن بارامىن، بىلگەنىمدى ايتامىن... تىڭداۋشىم قول سوعىپ جاتادى... بىرتە-بىرتە ءبىر ناتيجە شىعاتىنىنا سەنەمىن...» دەپ جازىپتى ول Facebook-تەگى جەكە پاراقشاسىندا. مۇحاڭ قازىر الەۋمەتتىك جەلىدە: قولى قالت ەتكەن كەزدەردە قازاق تىلىنە قاتىستى ماسەلەلەردىڭ «قابىرعاسىن قاقىراتىپ» تۇرىپ «سوگىپ-سوگىپ» تاستايدى. ءبىزدى مۇحاڭنىڭ تەلەارنالاردا قىزمەت جاسايتىن جۋرناليستەردىڭ تىلىنە «تىكەندەي» قادالاتىنى اسىرەسە قىزىقتىرادى. مىنا سۋرەتتە ول 24 kz ارناسىنىڭ ەفيرىندە كەتىپ قالعان ءبىر قاتەنى تاپ باسىپ تاۋىپ، كوزىمىزگە شۇقىپ كورسەتىپ تۇر. ۆيرتۋالدى ءام ۆيزۋالدى مادەنيەت ميداي ارالاسىپ، ەفيردىڭ ءتىلى ەلدىڭ تىلىنە اينالىپ بارا جاتقان  زاماندا ءار ازاماتتىڭ تاراپىنان وسىنداي سەرگەكتىك، وسىنداي جانشىرلىق ابدەن-اق كەرەك شىعار. ءسىز دە كوز تىگىپ، قۇلاق تۇرە ءجۇرىڭىز: ەلەكتروندى باق نە دەپ جاتىر؟..

Abai.kz