ماسكەۋ قالاسىنىڭ ءار اۋدانىندا كەم دەگەندە ءبىر مەشىتتەن سالىنۋى ءتيىس. رەسەي ەلىنىڭ مۇفتيلەر كەڭەسىندە وسىنداي وي ورتاعا سالىندى. وسىلايشا، ولار ماسكەۋدەگى قۇلشىلىق وردالارىنىڭ سانىن 10-نان اسىرماقشى، دەپ حابارلايدى muslim.kz.

رەسەي مۇفتيلەرى كەڭەسىنىڭ ءباسپاسوز قىزمەتشىسى گۇلنۇر گازيەۆا ماسكەۋدە مۇسىلماندار ءۇشىن قۇلشىلىق وردالارى از ەكەنىن ايتىپ: «قارقىندى تۇردە ءوسىپ كەلە جاتقان مۇسىلماندار سانى قازىرگى كەزدە ماسكەۋدەگى مەشىتتەردىڭ كوپتەپ سالىنۋىن تالاپ ەتەدى. دەگەنمەن، ءبىز ماسكەۋدىڭ ءار اۋدانىندا ءبىر مەشىتتەن بولعانىن عانا سۇراپ وتىرمىز. سوندا ءبىز كوشەدەگى قوزعالىستى توقتاتۋدان دا تىيىلار ەدىك»، - دەگەن.

قازىرگى تاڭدا ماسكەۋ شاھارىندا 2 ميلليوننان استام مۇسىلمان ءومىر سۇرەدى. ال، وسىنشاما جاماعاتقا بار بولعانى تەك ءتورت قۇلشىلىق ورداسى قىزمەت اتقارادى. سىيىمدىلىعى جايلى ءتىپتى ءسوز قوزعاۋعا كەلمەيتىن بۇل مەشىتتەردە جۇما كۇنى ناماز وقۋ باقىتى مۇسىلمان جاماعاتىنىڭ تەك از عانا بولىگىنە بۇيىرادى. ال، قالعاندارى اۋا-رايىنىڭ قانداي دا ءبىر كۇيىنە قاراماستان كوشە بويىندا جايناماز توسەپ، قۇلشىلىعىن وتەپ جاتادى.

اباي-اقپارات