«قازاقستان رەسپۋبليكاسىنىڭ «ساياسي پارتيالار تۋرالى» زاڭىنىڭ 18-بابى 5-تارماعىنا ساي، «نۇر وتان» پارتياسى پارتيانىڭ ساياسي كەڭەسىنىڭ شەشىمىمەن ءبىراۋىزدان بەكىتىلگەن 2013 جىلعى كىرىستەر مەن شىعىستارى تۋرالى ەسەبىن جاريالايدى. بۇل تۋرالى قازاقپارات حابارلادى. جاريالانعان ەسەپكە قاراعاندا، 2013 جىلعى پارتيانىڭ كىرىستەرى 5 857 260 مىڭ تەڭگەنى، ونىڭ ىشىندە، كوممەرتسيالىق ەمەس قىزمەتتەن - 5 447 518 مىڭ تەڭگە، ال كوممەرتسيالىق قىزمەتتەن - 409 742 مىڭ تەڭگەنى قۇراعان. قازىرگى ۋاقىتتا پارتيانىڭ كىرىستەرى: پارتيالىق جارنالاردان، رەسپۋبليكالىق بيۋدجەت قاراجاتىنان، كاسىپكەرلىك قىزمەت تابىستارىنان (اكتيۆتەردى باسقارۋ، ورىن-جايلاردى جالعا بەرۋ جانە ت.ب.),  ەكىنشى دەڭگەيلى بانكتەردەگى سالىمداردان، قازاقستان رەسپۋبليكاسى ازاماتتارىنىڭ جانە مەملەكەتتىك ەمەس ۇيىمدارىنىڭ قايىرىمدىلىقتارىنان جانە تاعى باسقالارىنان قۇرالادى.

سونىڭ ىشىندە پارتيالىق جارنالاردان كىرىس 721 ملن. تەڭگەنى، ال پارتيانى رەسپۋبليكالىق بيۋدجەتتەن قارجىلاندىرۋ 3 146 880 مىڭ تەڭگەنى قۇرادى. بۇدان بولەك، پارتياعا كاسىپكەرلىك قىزمەتتەن جانە جالعا بەرۋدەن تۇسكەن كىرىستەر 377 ملن. تەڭگەنى،  دەپوزيتتەر بويىنشا سىياقى سوماسى 1 197 270 مىڭ تەڭگەنى قۇرادى. بارلىق سالىمدار قازاقستان رەسپۋبليكاسىنىڭ ەكىنشى دەڭگەيلى بانكتەرىنە ورنالاستىرىلعان. ال دەمەۋشىلىك جانە قايىرىمدىلىق كومەكتەردەن تۇسكەن تابىس 382 368 مىڭ تەڭگەنى قۇرادى. زاڭناماعا سايكەس پارتياعا جاردەم قاراجاتى قازاقستان رەسپۋبليكاسىنىڭ ازاماتتارى مەن مەملەكەتتىك ەمەس ۇيىمدارىنان عانا قابىلدانادى.

ال 2013 جىلعى شىعىستار 5 123 094 مىڭ تەڭگەنى قۇرادى. سونىڭ ىشىندە جالاقى تولەۋ بويىنشا شىعىستار: 2 169 729 مىڭ تەڭگە. 2013 جىلدىڭ 31 جەلتوقسانىندا پارتيانىڭ شتاتتاعى قىزمەتكەرلەرىنىڭ سانى (ورتالىق اپپارات پەن فيليالدار) 1 099 بىرلىكتى قۇرادى. شتاتتاعى قىزمەتكەرلەردىڭ 2013 جىلعى ورتاشا جالاقىسىنىڭ مولشەرى 148 664 تەڭگەنى قۇرادى. تەحنيكالىق

2013 جىلعى 31 جەلتوقساندا پارتيا مۇشەلەرىنىڭ سانى 864 مىڭ ادامدى قۇرادى.

پارتيا قۇرىلىمىندا «نۇر وتان» پارتياسى «قوعامدىق ساياسات ينستيتۋتى» جانە «نۇر وتان» پارتياسى «ساياسي مەنەدجمەنت مەكتەبى» سەكىلدى كوممەرتسيالىق ەمەس ۇيىمدار (جەكە مەكەمەلەر) ءوز قىزمەتىن جۇزەگە اسىرادى. سونداي-اق، پارتيا 2 كوممەرتسيالىق ۇيىمنىڭ 100% مەنشىك يەسى بولىپ تابىلادى: ولار - «نۇر وتان» شارۋاشىلىق باسقارماسى» جشس جانە «نۇر مەديا» جشس.

اباي-اقپارات