قالا كۇنىنە وراي ۇيىمداستىرىلعان مەرەكەلىك شارا بيىل 21 قىركۇيەك تۇڭعىش پرەزيدەنت ساياباعىندا اتالىپ وتەدى. تۇڭعىش پرەزيدەنت ساياباعى ءبىر كۇنگە الما ساياباعى اتانادى. بۇل جەردە AppleFest شاراسى ۇيىمداستىرىلادى، دەپ حابارلادى قالالىق مادەنيەت باسقارماسىنىڭ ءباسپاسوز قىزمەتىنە سىلتەمە جاساعان Baq.kz

ال ساياباقتىڭ كوپتەگەن كەلۋشىلەرىن (100 ادامعا جۋىق) ناعىز الما اتا قارسى الادى. ناق وسى كۇنى كورەرمەندەردىڭ اراسىندا قالا باسشىسى دا بولادى. ول قالالىقتار الدىندا قۇتتىقتاۋ ءسوز سويلەيدى.

مەرەكەنى ۇيىمداستىرۋشىلاردىڭ ويىنشا، عالامات وقيعا «جالپى جۇرتشىلىقتىڭ ءوزىن ءوزى تانىتۋى مەن شىعارماشىلىق اتموسفەراسىن اسپانداتىپ، كەز كەلگەن جاستاعى ادامداردىڭ جانىنا جاقىن ساتتەردىڭ ءبىرى بولۋى ءتيىس». ساياباق شامامەن 8 ينتەراكتيۆتى الاڭشالارعا بولىنەدى.

«Apple Music -تە فەستيۆالدىڭ ەڭ باستى ساحناسى ورنالاسادى. مۇندا كۇنى بويى كەڭ اۋقىمدى كونتسەرتتى باعدارلاما وتەدى، بارلىعى دا سۇيىكتى قالامىز الماتىعا ارنالعان كلاسسيكالىق وركەسترلىك مۋزىكادان باستاپ سوڭعى زاماناۋي تانىمال حيتتاردىڭ ورىنداۋشىلارىنا دەيىنگىلەردى قامتيدى. الما بازارىنا نەمەسە APPLE بازار-عا وبلىستان كەلگەن فەرمەرلەر ءوز ونىمدەرىن جەتكىزەدى. APPLE درايۆ- جاستاردىڭ دەم الۋىنا ارنالعان ايماق. مۇندا سكەيت-پارك روللەرلەر ءۇشىن رامپا جانە BMX-ەرلەر، دي-دجەيلەر ءۇشىن ساحنا ورنالاسادى»، - دەلىنگەن حابارلامادا.

APPLE FAMILY بالالارعا ارنالعان الاڭشا، مۇندا ۇرلەنگەن اتتراكتسيوندار، PLAY&HAVE FUN ايماقتارى، شىعارماشىلىق جانە شەبەرلىك كلاستارى، سونداي-اق، قۋىرشاق تەاترلارىنىڭ سپەكتاكلدەرىنە ارنالعان الاڭشا، تسيركتىك ءنومىر الاڭدارى، كاسىبي دە جانە بالالار شىعارماشىلىعى ۇجىمدارىنىڭ دا الاڭدارى بار.

Apple Dance ەركىن قيمىل مەن بي الاڭى. بۇل جەردە جاس مولشەرى ءارتۇرلى ادامدار توبى ءوز ونەرلەرىن كورسەتە الادى. مۇندا قالالىق جەتەكشى حورەوگرافتاردىڭ شەبەرلىك كلاستارى ءۇشىن بي الاڭى ورنالاسادى. Apple Karaoke ءان ايتۋ الاڭى، كوتەرىڭكى كوڭىل كۇي مەن كوڭىلدى دەم الۋ الاڭى. وسى جەردە الماتىلىقتار وزدەرىنىڭ شىعارماشىلىق قابىلەتتەرىن كورسەتە الادى.

سونداي-اق، مەرەكە قوناقتارى قۇپيا «نيۋتون قوراسىنا» كىرە الادى. مۇندا المامەن بايلانىستى ءتۇرلى كونكۋرستار وتەتىن بولادى. ال ساياباق ىشىندە قالالىقتار ۆەلوسيپەدتى جالعا الىپ، قىدىرىستاي الادى.

اباي-اقپارات