كەشە عانا «كوكپەكتى سۋ قويماسىنىڭ يەسى – جىن-شايتان با؟» دەگەن ماقالا جاريالاعانبىز.

وزدەرىڭىز بىلەتىندەي،  قاراعاندىعا ىرگەلەس جاتقان كوكپەكتى اۋىلىنداعى سۋ قويماسى جارىلىپ، سول ماڭداعى تۇرعىندار اپاتتان زارداپ شەككەن،  5 ازامات كوز جۇمعان. ال توتەنشە جاعداي ءمينيسترى بوجكو مىرزا بولسا ادەتتەگىدەي «كورىپكەلدىگىن» ايتىپ، اۋا رايىنىڭ كۇرت جىلىناتىندىعىن ءبىر اپتا بۇرىن بىلگەندىگىن ەش جاسىرعان جوق. ۇكىمەت بولسا زارداپ شەككەندەردىڭ قامقورلىقسىز قالمايتىندىعىن ايتىپ جار سالىپ باعۋدا.  

ءبىر قىزىعى، بارلىق ۇكىمەت مۇشەلەرى جيىلىپ، جەرگىلىكتى مەكەمەلەر كۇش بىرىكتىرىپ قانشا ىزدەسەدە «اپاتتى سۋ قويماسىنىڭ» يەسى كىم ەكەندىگىن ءالى كۇنگە تابا الماي جاتىر.

ەندەشە قۇلاق تۇرىڭىزدەر. ونى ءبىزدىڭ وقىرمان انىقتاپتى. اتالمىش ماقالانىڭ استىنا پىكىر جازعان «ازامات» ەسىمدى وقىرمان: «كوكپەكتى سۋ قويماسىنىڭ قوجايىنى - پارلامەنت دەپۋتاتى راۋان شاەكيننىڭ اكەسى ميحايل شاەكين. سول اۋىلدىڭ ەڭبەكتەگەن بالاسىنان ەڭكەيگەن قارتىنا دەيىن بىلەدى مۇنى. ونىڭ نەسى جۇمباق؟»، - دەپ پىكىر قالدىرىپتى.  

ياعني  ادام ولىمىنە اكەلگەن اپاتتىڭ ءبىر سەبەپكەرى دەپۋتاتتىڭ اكەسى بولعانى.  بىراق تۇتاس ءبىر اۋىلدى سۋ الىپ، جۇرتتىڭ شاڭىراعى ورتاسىنا ءتۇسىپ جاتسا دا قۇزىرلى ورىن قىزمەتكەرلەرى «تىمپي-جىمپي» دەپ جاق اشپاي وتىر.  

«اباي-اقپارات»