شىعىس ۋكراينادا رەسەيشىلدەر كەڭسەلەردى باسىپ الدى دەپ حابارلايدى «ازاتتىق» راديوسىنىڭ سايتى.

اقپاراتتارعا جۇگىنسەك، رەسەيشىل دەمونسترانتتار ۋكراينانىڭ شىعىسىنداعى ءۇش قالاداعى ۇكىمەت ۇيلەرىن  باسىپ العان. بۇلىكشىلەر رەسەي تۋىن كوتەرىپ، حاركوۆ قالاسىنداعى اكىمشىلىك عيماراتتارىنىڭ توبەسىنە تىككەن. سونداي-اق دونەتسك وبلىسىنا قاراستى لۋگانسك قالاسىندادا ءدال وسىنداي جاعداي ورىن العان.

ءبىر تاڭعالارلىعى، ۋكراينا قۇقىق قورعاۋ قىزمەتكەرلەرى ەشقانداي قارسى كۇش قولدانباپتى. بۇلىكشىلەردىڭ قولىندا «دونەتسك رەسپۋبليكاسى» دەپ جازىلعان پلاكات بار كورىنەدى. تالاپتارى شىعىس ۋكراينا بويىنشا دا قىرىمداعىداي رەفەرەندۋم وتكىزۋ، سونداي-اق ۋكراينا قاۋىپسىزدىك قىزمەتى ۇستاعان بىرنەشە ادامدى بوساتۋدى تالاپ ەتكەن.

ۋكراينا تاراپى مۇنداي «باسسىزدىققا» پۋتيندىك رەسەيدىڭ قولداۋ كورسەتىپ وتىرعاندىعىن ايىپتادى. ال چەحيا پرەزيدەنتى ميلوش زەمان ەگەر ۋكراينانىڭ شىعىس ايماعىنا قاۋىپ تونسە، بۇل ايماققا «ناتو» اسكەرىن كىرگىزۋ قاجەت دەپ ەسەپتەيدى.

اباي-اقپارات

سۋرەت: "ازاتتىق" راديوسىنىڭ سايتىنان الىندى