سارسەنبى, 21 ءساۋىر 2021
جاڭالىقتار 3261 0 پىكىر 11 مامىر, 2014 ساعات 15:50

اڭىز ادامعا ايىپپۇل سالىندى

بۇگىن الماتىداعى ماماندىرىلعان اۋدانارالىق اكىمشىلىك سوتتا «اڭىز ادامنىڭ» ءىسى قارالدى. سوت شەشىمى بويىنشا «وتباسى» جاۋاپكەرشىلىگى شەكتەۋلى سەرىكتەستىگى (جشس) مەن وعان قاراستى «جۇلدىزدار وتباسى – اڭىز ادام»، «جۇلدىزدار وتباسى» جانە «جۇلدىز جورامال» جۋرنالارىنىڭ باس رەداكتورى جارىلقاپ قالىبايعا جيىنى 120 ايلىق ەسەپتىك كورسەتكىش كولەمىندە ايىپپۇل سالىندى. بۇل تۋرالى «ازاتتىق راديوسى» حابارلادى.   جارىلقاپ قالىبايدىڭ 222 مىڭ 240  تەڭگە ايىپ اقشا ارقالاۋىنىڭ سەبەبى اتالعان ءۇش جۋرنال بيىل، 2014 جىلى اقپان ايىنداعى نومىرلەرىندە باق تۋرالى زاڭنىڭ 15-بابىنىڭ ءبىرىنشى بولىگىندەگى تالابىن ورىنداماعان دەپ كورسەتىلگەن. ياعني «جۋرنالدى باسقان باسپاحانانىڭ مەكەن-جايى كورسەتىلمەگەن. جۋرنالعا بايلانىستى تالاپ-ارىزدى الماتى قالالىق ىشكى ساياسات باسقارماسى تۇسىرگەن. ەستەرىڭىزگە سالاتىن بولساق بيىل ءساۋىر ايىنان باستاپ قازاقستان پرەزيدەنتى نۇرسۇلتان نازارباەۆتىڭ جارلىعىمەن ەلدە «شاعىن جانە ورتا كاسىپكەرلىكتى تەكسەرۋگە موراتوري» جاريالانعان ەدى.

 

اباي-اقپارات

 

0 پىكىر