مەكتەپ ءبىتىرۋشى تۇلەكتەر اراسىندا «التىن بەلگىدەن» ۇمىتكەرلەردىڭ ەداۋىر ازايىپ كەتكەنى بايقالىپ وتىر. كەشە ەلورداداعى №52 مەكتەپ-گيمنازياسىنداعى مەكتەپ بىتىرۋشىلەر جيىنىنا قاتىسقان ءبىلىم جانە عىلىم ءمينيسترى جانسەيىت تۇيمەباەۆتىڭ ايتۋىنشا، بيىلعى «التىن بەلگىدەن» ۇمىتكەرلەر سانى – 2 مىڭعا جۋىق. بىلتىر بۇل كورسەتكىش 3 مىڭ 360 وقۋشى بولعان. «التىن بەلگىگە» ءباسى بار وقۋشىلاردىڭ مۇنشالىقتى ازايۋى ەكى ءتۇرلى قورىتىندىعا جەتەلەيدى: وقۋشىنىڭ ءبىلىمىن باعالاۋعا تالاپ كۇشەيتىلدى نەمەسە ءبىلىم ساپاسى شىنىمەن تومەندەپ بارادى…
مينيستر جانسەيىت تۇيمەباەۆ كەلتىرگەن ستاتيستيكالىق مالىمەتتەر بويىنشا، بيىل مەملەكەتىمىزدە 132 مىڭ 733 تۇلەك مەكتەپ ءبىتىرىپ، جاڭا ومىرگە جولداما العالى وتىر. ۇلتتىق بىرىڭعاي تەستىلەۋگە (ۇبت-عا) ولاردىڭ ىشىنەن 108 مىڭ 848 وقۋشى قاتىسۋعا ءوتىنىش بىلدىرگەن. قالعان 23 مىڭ 885 تۇلەك جالپى ورتا ءبىلىمى تۋرالى اتتەستاتسيانى جەكەلەگەن پاندەر بويىنشا ەمتيحان تاپسىرا وتىرىپ الاتىن بولادى. ال ەلورداداعى 76 مەكتەپتەن بارلىعى 3 مىڭعا جۋىق جەتكىنشەك «التىن ۇياسىنان» تۇلەپ ۇشىپ، ۇلكەن ومىرگە قانات قاققالى وتىر.
«بيىل ۇلتتىق بىرىڭعاي تەستىلەۋ ماۋسىمنىڭ 4-ىنەن باستالادى. اتا-انالار مەن وقۋشىلاردىڭ تالاپ-تىلەكتەرىنە بايلانىستى تەستىلەۋ ۋاقىتى 30 مينۋتقا ۇزارتىلدى. سونىمەن قاتار وتكەن جىلدان بەرى تەستىلەۋ سۇراقتارىنا ءجىتى تەكسەرىس جۇرگىزىلىپ، رەتسىز دەپ سانالعاندار الىپ تاستالدى»، – دەپ اتاپ ءوتتى جانسەيىت قانسەيىتۇلى.

مەكتەپ ءبىتىرۋشى تۇلەكتەر اراسىندا «التىن بەلگىدەن» ۇمىتكەرلەردىڭ ەداۋىر ازايىپ كەتكەنى بايقالىپ وتىر. كەشە ەلورداداعى №52 مەكتەپ-گيمنازياسىنداعى مەكتەپ بىتىرۋشىلەر جيىنىنا قاتىسقان ءبىلىم جانە عىلىم ءمينيسترى جانسەيىت تۇيمەباەۆتىڭ ايتۋىنشا، بيىلعى «التىن بەلگىدەن» ۇمىتكەرلەر سانى – 2 مىڭعا جۋىق. بىلتىر بۇل كورسەتكىش 3 مىڭ 360 وقۋشى بولعان. «التىن بەلگىگە» ءباسى بار وقۋشىلاردىڭ مۇنشالىقتى ازايۋى ەكى ءتۇرلى قورىتىندىعا جەتەلەيدى: وقۋشىنىڭ ءبىلىمىن باعالاۋعا تالاپ كۇشەيتىلدى نەمەسە ءبىلىم ساپاسى شىنىمەن تومەندەپ بارادى…
مينيستر جانسەيىت تۇيمەباەۆ كەلتىرگەن ستاتيستيكالىق مالىمەتتەر بويىنشا، بيىل مەملەكەتىمىزدە 132 مىڭ 733 تۇلەك مەكتەپ ءبىتىرىپ، جاڭا ومىرگە جولداما العالى وتىر. ۇلتتىق بىرىڭعاي تەستىلەۋگە (ۇبت-عا) ولاردىڭ ىشىنەن 108 مىڭ 848 وقۋشى قاتىسۋعا ءوتىنىش بىلدىرگەن. قالعان 23 مىڭ 885 تۇلەك جالپى ورتا ءبىلىمى تۋرالى اتتەستاتسيانى جەكەلەگەن پاندەر بويىنشا ەمتيحان تاپسىرا وتىرىپ الاتىن بولادى. ال ەلورداداعى 76 مەكتەپتەن بارلىعى 3 مىڭعا جۋىق جەتكىنشەك «التىن ۇياسىنان» تۇلەپ ۇشىپ، ۇلكەن ومىرگە قانات قاققالى وتىر.
«بيىل ۇلتتىق بىرىڭعاي تەستىلەۋ ماۋسىمنىڭ 4-ىنەن باستالادى. اتا-انالار مەن وقۋشىلاردىڭ تالاپ-تىلەكتەرىنە بايلانىستى تەستىلەۋ ۋاقىتى 30 مينۋتقا ۇزارتىلدى. سونىمەن قاتار وتكەن جىلدان بەرى تەستىلەۋ سۇراقتارىنا ءجىتى تەكسەرىس جۇرگىزىلىپ، رەتسىز دەپ سانالعاندار الىپ تاستالدى»، – دەپ اتاپ ءوتتى جانسەيىت قانسەيىتۇلى.
سونداي-اق ءمينيستردىڭ ايتۋىنشا، بيىلعى بىتىرۋشىلەر «تۇلەكتەر كەشىن» تەك ءوز مەكتەپتەرى مەن وتباسى اياسىندا عانا تويلايتىن بولادى. بۇرىنعىداي استا-توك توي جوق. وسىدان ءبىراز بۇرىن ءبىلىم جانە عىلىم مينيسترلىگىنىڭ بارلىق قوشتاسۋ كەشتەرىنىڭ مەكتەپ قابىرعاسىندا وتەتىنى جانە وعان اقشا جيناۋعا تىيىم سالىناتىنى جونىندە حابارلاندىرۋ بەرگەنى بەلگىلى. «مۇنداي شەشىم، قازىرگى داعدارىس جاعدايىندا بارلىق وتباسىلاردىڭ الەۋمەتتىك جاعدايى ۇلان-اسىر توي جاساۋعا مۇمكىندىك بەرمەيتىندىكتەن قابىلدانىپ وتىر»، – دەدى ول. وسىعان وراي، №52 مەكتەپ-گيمنازياسىندا دا ءمينيستردىڭ قاتىسىپ وتىرعانىنا قاراماستان، بۇرىنعىداي ۇلان-اسىر سالتانات بولعان جوق. شاعىن كونتسەرتتىك شاراعا مەكتەپ ءبىتىرۋشى 34 تۇلەك پەن ولاردىڭ اتا-انالارى عانا قاتىستى.
ءمينيستردىڭ استانا قالاسىنداعى №52 مەكتەپ-گيمنازياسىن تاڭداۋى بەكەر ەمەس. بۇل – بىرنەشە جىل قاتارىنان ۇبت-دا كوش باستاپ كەلە جاتقان وقۋ ورىندارىنىڭ ءبىرى. «بيىل دا وسىنداي كورسەتكىشتەرمەن كوزگە تۇسەدى دەپ سەنەمىن دەگەن»، – مينيستر مەكتەپ بىتىرۋشىلەرگە اق جول تىلەدى. ونىڭ ايتۋىنشا، بۇگىنگى تاڭدا استانادا 20 قازاق مەكتەبى بار ەكەن. «وسىدان 11 جىل بۇرىن استانادا جالعىز قازاق مەكتەبى بار بولاتىن. بۇل – ۇلكەن بەتبۇرىس»، – دەدى جانسەيىت قانسەيىتۇلى. ەلىمىزدىڭ باس مۇعالىمى مينيسترلىك اتىنان مەكتەپ-گيمنازيا ديرەكتورى عالياش امرينانى «ىبىراي التىنسارين» مەدالىمەن، ۇستازدارىنىڭ ءبىرى زاۋرەش تۇياقوۆانى «ءبىلىم بەرۋ ءىسىنىڭ قۇرمەتتى قىزمەتكەرى» بەلگىسىمەن ماراپاتتادى.

بۇركىت نۇراسىل، استانا
“الاش ايناسى” گازەتى 26 مامىر 2009 جىل