2009 جىلى 17 شىلدەدە «قازاقتەلەكوم»-نىڭ №237 بۇيرىعىنا قوسىمشا رەتىندە جاڭا ۇلگى شارت قابىلداندى. جۇرتشىلىققا قىزمەت كورسەتۋ شارتى. ال وسى قۇجاتتىڭ «وزگە دە تالاپتار» اتتى 7-تارماعىنىڭ 7.5 تارماقشاسىندا  «شارت تاراپتاردا ساقتالاتىن جانە تەڭ زاڭدى كۇشكە يە مەملەكەتتىك جانە ورىس تىلىندە ەكى دانادا جاسالادى...» دەپ زاڭ تالابىنداعىداي كورسەتىلسە دە (!), 7.6 تارماقشاسىندا «مەملەكەتتىك جانە ورىس تىلىندەگى رەداكتسيالار اراسىندا ۇيلەسپەۋشىلىك جاعدايىندا، ورىس تىلىندەگى رەداكتسيا باسىم كۇشكە يە بولادى (؟!)» دەلىنگەن. عاجاپ، قازاقستان رەسپۋبليكاسىنىڭ «ءتىل تۋرالى» زاڭىندا ونداي جاعداي قاراستىرىلماعان ءتارىزدى ەدى...سوندا مەملەكەتتىڭ نەگىزگى ءتىلى - مەملەكەتتىك ءتىل بولسا-داعى، «قازاقتەلەكوم» ءۇشىن مەملەكەتتىك تىلىمىزدەن ۇستەم ءتىلدىڭ بولعانى عوي؟

بۇل، بالكىم، «قازاقتەلەكوم» اق-ى ورىس تىلىندە جاسالعان ءماتىننىڭ قازاقشا نۇسقاسىن دالمە-ءدال بەرە الاتىن اۋدارماشىعا مۇقتاج» دەگەن ءسوز بولار؟ الدە، «قازاقتەلەكوم» اق-ى زاڭگەرىنىڭ «ءتىل تۋرالى» زاڭ تالابىن ەسكەرۋدى «ۇمىتىپ» كەتۋىنەن بە ەكەن؟ الدە قازاقتىلدىلەردىڭ قۇقىن اياقاستى ەتۋدى كوپە-كورنەۋ ماقسات ەتتى مە ەكەن؟ سۇراقتار ءار ازاماتتىڭ مىيىن اشىتادى. ءبىز قازاقستاننىڭ 70% قازاعى مەن قازاقتىلدىلەردىڭ قۇقىن ايتپايمىز، ەش بولماسا باستىسى - قازاق ءتىلىنىڭ «مەملەكەتتىك ءتىل» دەگەن ۇلى مارتەبەسى ەسكەرىلسە ەتتى...

2009 جىلى 17 شىلدەدە «قازاقتەلەكوم»-نىڭ №237 بۇيرىعىنا قوسىمشا رەتىندە جاڭا ۇلگى شارت قابىلداندى. جۇرتشىلىققا قىزمەت كورسەتۋ شارتى. ال وسى قۇجاتتىڭ «وزگە دە تالاپتار» اتتى 7-تارماعىنىڭ 7.5 تارماقشاسىندا  «شارت تاراپتاردا ساقتالاتىن جانە تەڭ زاڭدى كۇشكە يە مەملەكەتتىك جانە ورىس تىلىندە ەكى دانادا جاسالادى...» دەپ زاڭ تالابىنداعىداي كورسەتىلسە دە (!), 7.6 تارماقشاسىندا «مەملەكەتتىك جانە ورىس تىلىندەگى رەداكتسيالار اراسىندا ۇيلەسپەۋشىلىك جاعدايىندا، ورىس تىلىندەگى رەداكتسيا باسىم كۇشكە يە بولادى (؟!)» دەلىنگەن. عاجاپ، قازاقستان رەسپۋبليكاسىنىڭ «ءتىل تۋرالى» زاڭىندا ونداي جاعداي قاراستىرىلماعان ءتارىزدى ەدى...سوندا مەملەكەتتىڭ نەگىزگى ءتىلى - مەملەكەتتىك ءتىل بولسا-داعى، «قازاقتەلەكوم» ءۇشىن مەملەكەتتىك تىلىمىزدەن ۇستەم ءتىلدىڭ بولعانى عوي؟

بۇل، بالكىم، «قازاقتەلەكوم» اق-ى ورىس تىلىندە جاسالعان ءماتىننىڭ قازاقشا نۇسقاسىن دالمە-ءدال بەرە الاتىن اۋدارماشىعا مۇقتاج» دەگەن ءسوز بولار؟ الدە، «قازاقتەلەكوم» اق-ى زاڭگەرىنىڭ «ءتىل تۋرالى» زاڭ تالابىن ەسكەرۋدى «ۇمىتىپ» كەتۋىنەن بە ەكەن؟ الدە قازاقتىلدىلەردىڭ قۇقىن اياقاستى ەتۋدى كوپە-كورنەۋ ماقسات ەتتى مە ەكەن؟ سۇراقتار ءار ازاماتتىڭ مىيىن اشىتادى. ءبىز قازاقستاننىڭ 70% قازاعى مەن قازاقتىلدىلەردىڭ قۇقىن ايتپايمىز، ەش بولماسا باستىسى - قازاق ءتىلىنىڭ «مەملەكەتتىك ءتىل» دەگەن ۇلى مارتەبەسى ەسكەرىلسە ەتتى...

«قازاقتەلەكوم» اكتسيونەرلىك قوعامىنىڭ جوعارىدا كورسەتىلگەن «ۇلگىسىمەن» اتالعان كاسىپورىننىڭ پاۆلودار وبلىستىق فيليالى ۇلگى شارتتىڭ ورىس تىلىندەگى نۇسقاسىن عانا تولتىرعانى قىنجىلتادى. بۇل - قازاق تىلىندەگى ءماتىندى تۇككە تۇرعىسىز ەتكەن 7.6 تارماقشانىڭ ءوز مىندەتىن «اقتاعانى» ءتارىزدى. بۇعان قوسا ساتۋ ورتالىعى باستىعىنىڭ ءمورتابانى «ءتىل تۋرالى» زاڭنىڭ 21-بابى تالابىنا سايكەس ەمەس ەكەن. شارت سوڭىنداعى قىسقارتىلعان رنن، بيك، يك سوزدەرىنىڭ قازاقشا ۇلگىلەرىنىڭ ەسكەرىلمەگەنى دە الگى باپتىڭ «قازاقتەلەكومداعى» ءتىل تاعدىرىنا باتپانداپ ەنگەن ماسەلە ەكەندىگىن اڭعارتادى.

بۇل زاماندا بايلانىس قۇرالىن پايدالانبايتىن جان جوق. سوندىقتان، وسىنداي كاسىپورىن حالىققا قازاق ءتىلىن قولدانۋدا، ۇيرەتۋدە ءوزىنىڭ تيگىزەر پايداسىن دۇرىس پايدالانا السا، كانەكەي، جۇرتتان باتا الار ەدى، ەلدىڭ ءىلتيپاتىنا بولەنەر ەدى. ال ونداي زامان تۋعانعا دەيىن «قازاقتەلەكومنىڭ بۇنىسى قالاي؟» دەپ تاڭدانىپ جۇرۋىمىزگە تۋرا كەلەتىن سىڭايىمىز بار. تەك تاڭدانىپ جۇرگەننەن گورى، بالكىم، بىرلەسىپ جۇمىس جاساعان دۇرىسىراق بولار... كەڭەسىپ پىشكەن تون كەلتە بولمايتىنىن ەسكەرگەن ءجون.

تولەن رامازانۇلى،

پاۆلودار قالاسى.