1-2 سۋرەت:  نۇرسۇلتان نازارباەۆ كىشكەنتاي نۇرسۇلتانمەن بىرگە. قىزىلوردا وبلىسى، 1991 جىل.

3 سۋرەت: قىزىلوردا وبلىسى اكىمى اپپاراتىنىڭ قىزمەتكەرى نۇرسۇلتان ابىلداەۆ. 2013 جىل.

ەڭبەك ەرىنىڭ نەمەرەسى

1986 جىلدىڭ تامىزىندا سول كەزدەگى  قازاق كسر مينيسترلەر كەڭەسiنiڭ توراعاسى نۇرسۇلتان نازارباەۆ جۇمىس ساپارىمەن قىزىلوردا وبلىسىنا كەلىپ، وڭىردەگى بەلگىلى ديقان، سوتسياليستىك ەڭبەك ەرى بالدىرعان مۇستافاەۆانىڭ كۇرىش القابىن ارالايدى. جايقالىپ تۇرعان اق التىندى كورىپ، كوڭىلى كوتەرىلگەن نۇرسۇلتان ءابىشۇلىنا كۇرىششى اپامىز ءسوز اراسىندا ءدال بۇگىن نەمەرەلى بولعاندىعىن، ۇلى التىنبەكتىڭ وتباسىندا ەر بالا دۇنيەگە كەلگەندىگىن ايتادى.  «ەگەر رۇقسات ەتسەڭىز، ءسىزدىڭ ەسىمىڭىزدى قويايىن، ءسابيدىڭ اتى نۇرسۇلتان بولسىن» دەگەندە، مينيسترلەر كەڭەسىنىڭ توراعاسى كەلىسىم بەرىپ، ولاردىڭ رياسىز نيەتىنە ريزالىقپەن اتتانادى. مىنە، سول بالا نۇرسۇلتان بۇدان كەيىن نۇرسۇلتان نازارباەۆتىڭ سىر وڭىرىندەگى ءاربىر ساپارى كەزىندە اجەسىنىڭ قاسىنان قالماي، الدىنان بىرگە شىعىپ جۇرەدى.

1-2 سۋرەت:  نۇرسۇلتان نازارباەۆ كىشكەنتاي نۇرسۇلتانمەن بىرگە. قىزىلوردا وبلىسى، 1991 جىل.

3 سۋرەت: قىزىلوردا وبلىسى اكىمى اپپاراتىنىڭ قىزمەتكەرى نۇرسۇلتان ابىلداەۆ. 2013 جىل.

ەڭبەك ەرىنىڭ نەمەرەسى

1986 جىلدىڭ تامىزىندا سول كەزدەگى  قازاق كسر مينيسترلەر كەڭەسiنiڭ توراعاسى نۇرسۇلتان نازارباەۆ جۇمىس ساپارىمەن قىزىلوردا وبلىسىنا كەلىپ، وڭىردەگى بەلگىلى ديقان، سوتسياليستىك ەڭبەك ەرى بالدىرعان مۇستافاەۆانىڭ كۇرىش القابىن ارالايدى. جايقالىپ تۇرعان اق التىندى كورىپ، كوڭىلى كوتەرىلگەن نۇرسۇلتان ءابىشۇلىنا كۇرىششى اپامىز ءسوز اراسىندا ءدال بۇگىن نەمەرەلى بولعاندىعىن، ۇلى التىنبەكتىڭ وتباسىندا ەر بالا دۇنيەگە كەلگەندىگىن ايتادى.  «ەگەر رۇقسات ەتسەڭىز، ءسىزدىڭ ەسىمىڭىزدى قويايىن، ءسابيدىڭ اتى نۇرسۇلتان بولسىن» دەگەندە، مينيسترلەر كەڭەسىنىڭ توراعاسى كەلىسىم بەرىپ، ولاردىڭ رياسىز نيەتىنە ريزالىقپەن اتتانادى. مىنە، سول بالا نۇرسۇلتان بۇدان كەيىن نۇرسۇلتان نازارباەۆتىڭ سىر وڭىرىندەگى ءاربىر ساپارى كەزىندە اجەسىنىڭ قاسىنان قالماي، الدىنان بىرگە شىعىپ جۇرەدى.

نۇرسۇلتان ءابىشۇلى قازاقستان كومپارتياسى ورتالىق  كوميتەتىنىڭ بiرiنشi حاتشىسى بولعان كەزىندە تاعى دا اقمەشىت ايماعىنا ساپارمەن كەلەدى. بۇل جولى دا ول بالدىرعان مۇستافاەۆانىڭ القابىنا سوقپاي وتپەدى.  زىرىلداعان ۋاقىت-اي دەسەڭىزشى... ەل-جۇرتتىڭ كۇرىششى بالدىرعاندى اجە اتانۋىمەن قۇتتىقتاپ جاتقانى كۇنى كەشە سياقتى ەدى. ەندى، مىنە، ايگىلى ديحان اجەسىنىڭ جەتەگىندە جۇرگەن سول نۇرسۇلتان بەس جاسقا تولىپتى. ەل باسشىسى وسىدان بەس جىل بۇرىنعى جۇزدەسۋدى ەسكە الىپ، بار پەيىلىمەن اقتارىلا كۇلىپ، كىشكەنتاي بالانى قولىنا الادى. قۇرمەتتى قوناق بۇعان كىشكەنە ويىنشىق ۇشاقتى سىيعا تارتادى. بۇل ءسات ءبىزدىڭ كەيىپكەرىمىزدىڭ ەسىندە ۇمىتىلماستاي بولىپ قالىپتى.

– بارلىعى دا ەسىمدە، مەنىڭ كەلۋىمە وراي اتىن قويعان ەدىڭىز، نيەتىڭىز وڭعارىلسىن. امانشىلىق بولسا، بالاعا ءوزىم قولدان كەلگەنشە قولداۋ كورسەتەمىن، حابارىن ايتىپ تۇرىڭىز، – دەپ، نۇرسۇلتان ءابىشۇلى ەڭبەك ەرىمەن جىلى قوشتاسادى.

اجەنىڭ اسەرلى اڭگىمەسى

ارادا ون جىل ءوتتى. كەشەگى ەڭبەكتەگەن بالا ەرجەتتى، ەڭبەكقور كۇرىششى اپا زەينەتكە شىقتى. قوعامداعى وزگەرىستەردى قالت جىبەرمەي قاداعالاپ وتىراتىن بالدىرعان اجە نەمەرەسىنە ات تاڭداۋعا كەلگەندە قاتەلەسپەگەنىنە ۇنەمى ريزا كەيىپپەن جۇرەتىن. اسىرەسە تەلەارنادان پرەزيدەنتتى كورسەتە قالسا، توڭىرەگىنە جينالا قالعان ۇل-قىزى مەن نەمەرەلەرىنە ول كىسىمەن كەزدەسكەن ءساتىن ايتۋدان جالىقپايتىن.

اۋىلداعى وڭ وزگەرىستەردى ەلباسىنىڭ ەسىمىمەن بايلانىستىرا ايتۋدان استە جاڭىلعان ەمەس. قاشان دا اڭگىمەسىنىڭ سوڭىندا نۇرسۇلتان ءابىشۇلىنىڭ اماندىعىن تىلەپ، ونىڭ ء«بارى دە بولادى. تەك شىدام مەن ءتوزىم كەرەك» دەگەن ونەگەلى سوزىنەن ۇلگى الۋ كەرەكتىگىن قۇلاققا قۇيىپ وتىراتىن.

2001 جىلى قازاقستان پرەزيدەنتى نۇرسۇلتان نازارباەۆ اقمەشىتكە كەلگەندە سىرداريا اۋدانىن ارالاپ، ديقاندارمەن ديدارلاسۋى جوسپارلانعان ەدى. جۇزدەسۋگە وبلىستىڭ تانىمال ازاماتتارى مولىنان جينالىپ، مەملەكەت باسشىسىن ۇلكەن قوشەمەتپەن قارسى الدى. ارينە، ولاردىڭ اراسىندا بالدىرعان اجە دە بار ەدى. جانىنا ادەتتەگىدەي بالا نۇرسۇلتاندى ەرتىپ الىپ، كەزدەسۋگە كەلدى.

بۇل كەزدە نۇرسۇلتان ابىلداەۆ قالاداعى № 222 تۇرار رىسقۇلوۆ اتىنداعى  مەكتەپتىڭ  9-سىنىبىندا وقيتىن. ول بۇل جولى پرەزيدەنتتىڭ كوزىنە ءتۇسىپ، ءتىل قاتىسىپ قالۋعا بەكىندى. اڭگىمەنى نەدەن باستايتىندىعىن جوبالاپ، ايتاتىن سوزدەرىن الدىن-الا جۇپتاپ قويادى. بەلگىلەنگەن مەزگىلدە جەتكەن ەلباسى قۋانىشتان جۇزدەرى جايناپ تۇرعان ەلدىڭ ورتاسىنا ەندى. مۇنىڭ اجەسىمەن سالەمدەسىپ حال-جاعداي سۇراستى دا، بالاعا بۇرىلىپ، ۇسىنعان قوس قولىن الدى. وڭتايلى ءساتتى پايدالانىپ قالعىسى كەلگەندەي اجەسى نەمەرەسى جايىندا توقتاۋسىز ايتۋعا كوشتى.

–  نۇرسۇلتان ءابىشۇلى قۋانىشتان جۇرەگىم جارىلارداي بولىپ تۇرعان ماعان قاراپ، «مەكتەپ بىتىرگەن سوڭ قايدا وقىعىڭ كەلەدى؟»، – دەپ سۇرادى. ويلانباستان «استانادا، ەۋرازيا ۇلتتىق ۋنيۆەرسيتەتىندە»، – دەپ بىردەن جاۋاپ بەردىم. پرەزيدەنت جاۋابىما قاناعاتتانعانداي كۇلىمدەپ ارقامنان قاقتى دا، اجەمە: «مەكتەپتى بىتىرگەن سوڭ ماعان حابار جەتكىزىڭىز، باياعى ءسابي كۇنىندە وقۋعا ءتۇسىرۋ مەنىڭ موينىمدا دەگەن ەدىم عوي. ۋنيۆەرسيتەتكە تۇسىرەمىز، وقىتامىز»، – دەگەندە، توڭىرەكتەگى  ەل-جۇرت  دۋىلداتا قول سوعىپ جىبەردى» – دەيدى وسى كەزدەسۋدى قايىرا كوز الدىنان وتكىزگەن نۇرسۇلتان ابىلداەۆ.

ارمانداي بولعان استانا

قىزىقتى كەزدەسۋدىڭ ءار ءساتى اقمەشىت اتىرابىنا اڭىز بولىپ تارادى. اۋىلداستارىنىڭ اۋزىندا «ەلباسى بالدىرعان مۇستافاەۆانىڭ نەمەرەسىن استاناعا، اناۋ-مىناۋ ەمەس، ەۋرازيا ۇلتتىق ۋنيۆەرسيتەتىندە وقۋعا شاقىردى، نۇرسۇلتاننىڭ باعى بار ەكەن»، – دەگەن اڭگىمە جەلدەي ەستى. قىزىعا دا، قىزعانا دا قارايتىندار كوبەيدى. مەكتەپكە بارا جاتقاندا جول-جونەكەي جولىققاندار توقتاتىپ الىپ، ەلباسىمەن قالاي سويلەسكەنىن ەجىكتەپ سۇرايتىن. اينالاسىنداعىلاردىڭ تاڭدانىسىنا قاراپ نۇرسۇلتان ءوزىن تاپ ءبىر ستۋدەنت اتانىپ قويعانداي سەزىنىپ، اياعىن الشاڭ باستى.

قىزىق بولعاندا، سودان بەرى ەكى جىل بويى ەلوردانى ۇنەمى تۇسىندە كوردى. تەلەارنالار مەن گازەت-جۋرنالداردان عانا تاماشالايتىن قالانى تۋرا وڭىندەگىدەي ارالايدى.  ەركە ەسىلدىڭ جاعاسىندا جۇرەدى، ايبارلى دا، ايباتتى اقوردانىڭ الدىندا قىدىرىستايدى. الايدا سوڭعى قوڭىراۋ سوعىلعاندا ءبارى باسقاشا باستالدى.

«سەگىز ۇلىم ءبىر توبە، ەرتوستىگىم ءبىر توبە» دەگەندەي، بالدىرعان اجەسى نۇرسۇلتاندى وزگە نەمەرەلەرىنەن ەرەكشە كورەتىندىگىنەن بە، الدە وزگە سەبەپ بولدى ما، ايتەۋىر سولتۇستىككە جىبەرگىسى كەلمەدى. «وندا وڭكەي  اۋقاتتىلار تۇرادى. سەن قايتىپ كۇن كورەسىڭ؟ قىزىلوردانىڭ قىز-قىز قايناعان ىستىعىندا وسكەن سەن قىسى قاتال قالادا قالتىراپ جۇرمەكشىسىڭ بە؟»، – دەپ، ءار نارسەنى سىلتاۋراتىپ، ارمانىنان اينىتۋعا كوشتى. نۇرسۇلتاننىڭ دا وڭايلىقپەن بەرىلگىسى جوق. ەلباسىنىڭ ەكى جىل بۇرىن ايتقان اڭگىمەسى قۇلاعىندا تۇر. سونى ەسكە ءتۇسىرىپ، «اجە، بالكىم، ەلباسىعا حابارلاسارمىز. ول كىسى كومەكتەسەدى عوي»، – دەپ تاقىمداپ قويمادى.

بۇكىل عۇمىرىندا بەل شەشپەي ەڭبەك ەتكەن بالدىرعان اجەسى باسۋ ايتتى. «ەل جاۋاپكەرشىلىگىن موينىمەن كوتەرىپ جۇرگەن ەلباسىنى ۇساق-تۇيەك شارۋامەن مازالاۋعا بولمايدى». بولدى، كەسىمدى ءسوز ايتىلدى. ەكى جىل بويى قيالعا قانات بىتىرگەن استانا كوزدەن بۇل-بۇل ۇشتى. تىپتەن بۇدان كەيىن قىرسىققاندا نۇرسۇلتاننىڭ تۇسىنە ەلوردا قايتىپ ەنبەي قويدى...

بالدىرعان اجەنىڭ شەشىمى بەكەر ەمەس-ءتى. نۇرسۇلتاننىڭ اكەسى التىنبەكتىڭ شاڭىراعىندا بەس بالا بار. ءومىر بويى جەرگىلىكتى مەكەمەدە جۇرگىزۋشى بولىپ جۇمىس ىستەيتىن ونىڭ ازىن-اۋلاق جالاقىسىنا ءبۇتىن ءبىر وتباسى قاراپ وتىر. كەلىنى مارجان ۇيدە بالا-شاعانىڭ كۇتىمىنەن بوساعان ەمەس. ارينە، سوتسياليستىك ەڭبەك ەرىنىڭ زەينەتاقىسى وزگەلەرگە قاراعاندا كوبىرەك. دەگەنمەن، استانا سەكىلدى الىپ قالادا ءبىر زەينەتاقىمەن بالا وقىتۋ دەگەن وڭاي ەمەس. الايدا «جىرتىق ءۇيدىڭ قۇدايى بار» دەگەندەي، كوپ ۇزاماي جاستىڭ دا، كارىنىڭ دە تىلەگى قابىل بولدى. مەكتەپتە جاقسى وقىعان نۇرسۇلتان ابىلداەۆ  قىزىلوردا قالاسىنداعى قورقىت اتا اتىنداعى مەملەكەتتىك ۋنيۆەرسيتەتتىڭ زاڭگەر ماماندىعىنا بولىنگەن ساناۋلى گرانتتى جەڭىپ الىپ، ستۋدەنت اتاندى. ەلورداعا جەتە الماسا دا، ەل قاتارلى ۋنيۆەرسيتەتكە تۇسكەنىنە شۇكىرشىلىك ەتتى.

ستۋدەنتكە بەرىلگەن ساعات

مەملەكەت باسشىسى ن.نازارباەۆ 2005 جىلى كەزەكتى ساپارمەن سىر بويىنا كەلدى. ەلباسىمەن كەزدەسۋ ءۇشىن ءدۇيىم جۇرت قالا شەتىندەگى ايتەك سۋ تورابىنىڭ ماڭىنا جينالدى. بالدىرعان اجەسى دە قىزىق، ستۋدەنت اتانعان نۇرسۇلتاندى بالاداي جەتەلەپ، جۇزدەسۋگە جەتتى. پرەزيدەنت ادەتتەگىدەي قاۋمالاعان قاۋىممەن اشىق-جارقىن سالەمدەستى. ەلدىڭ ەڭ الدىندا تۇرعان بالدىرعان اجەسىنە جاقىنداعاندا جىلىۇشىراي امانداستى دا، ازداپ ايالدادى. ۇتىمدى تۇستا قوس قولىن ۇسىنعان نۇرسۇلتاننىڭ سالەمىن العان ەلباسىعا اجەسى بۇرىننان تانىستىعىن ءبىلدىرىپ، ەركىن سويلەدى. ءبىر كەزدەگى سىر بويىنا ساپار كەزىندە تۋعان ۇل وسى ەكەندىگىن، اتىن ءوزىنىڭ قۇرمەتىنە نۇرسۇلتان قويعانىن، 5 جاسىندا اۋىلعا كەلگەنىندە كوتەرىپ سۋرەتكە ءتۇسىپ، ۇشاق سىيلاعانىن باستىرمالاتا تاعى ءبىر قايتالاپ ايتىپ شىقتى. ءسىرا، بالدىرعان اجەسى ءبىر زامانداعى ادەمى ساتتەردى ەلباسىنىڭ ەسىنە قايىرا سالىپ، نەمەرەسىنە نازارىن اۋدارتقىسى كەلگەن سەكىلدى. الايدا اجەسى ويلاعانداي ەمەس، ءبارى دە ەلباسىنىڭ ەسىندە كۇنى كەشەگىدەي ساقتالعانى بەلگىلى بولدى. سەبەبى، نۇرسۇلتان اتاسى الدەبىر ادەمى قوراپتى قولىنا الدى. مىنە، قىزىق، پرەزيدەنت ءوز قولى قويىلعان ساعاتتى بوزبالا نۇرسۇلتانعا ۇسىندى. ونسىز دا سالەمدەسىپ، جاعداي سۇراسقانىنا توبەسى كوككە جەتىپ، ەرتەڭ سىنىپتاستارىنىڭ الدىندا ماقتاناتىن ءساتىن ويلاپ، كوكىرەگىن قۋانىش كەرنەپ تۇرعان ونىڭ تىپتەن ەسى شىعىپ كەتتى.

– باسقا-باسقا، ءدال مۇنداي كەرەمەت سىيدى كۇتپەگەن ەدىك، – دەپ ەسكە الادى نۇرسۇلتان ابىلداەۆ. – اسىرەسە اجەمنىڭ قۋانىشىن كورسەڭىز...  بالا كۇنىندە ءبىر كەزدەسكەندە ۇشاق سىيلادى، ەندى، مىنە، ساعات! نۇرسۇلتان ءابىشۇلى ىزگى تىلەگىن ارناپ، باتاسىن بەردى. بىراق باقىتتان باسىم اينالىپ، جارىتىمدى ءسوز تاۋىپ ايتا المادىم.

نۇرسۇلتانعا ەلباسى  تارتۋ ەتكەن ساعاتتى كورۋ ءۇشىن الىس-جاقىن اعايىن كەشقۇرىم ۇيگە قاراي اعىلدى. مۇنى جاقسى ىرىمعا بالاعان بالدىرعان اجە اق پەيىلمەن داستارحان جايىپ، ءبىر شاشىلدى. «وسى ءبىزدىڭ «گەروي» جەڭگەمىزدىڭ كورىپكەلدىگى بار-اۋ. كەتپەنىن ارقالاپ كۇرىش ەگىپ جۇرگەندە نەمەرەسىنە مينيسترلەر كەڭەسى توراعاسىنىڭ ەسىمىن قويعانىن ايتساڭشى. تۇبىندە ەلىمىز ەگەمەندىك الىپ، توراعا پرەزيدەنت بولاتىنىن بىلگەندەي...»، – دەپ جۇرت ءازىل-قالجىڭنىڭ تيەگىن اعىتاتىن. وسىلايشا ساعاتتىڭ «جىرى» تالاي ۋاقىتقا سوزىلدى. اجەسى مەن نەمەرەسى قىمبات سىيلىقتى كوزدىڭ قاراشىعىنداي قاستەرلەپ، قول جەتپەيتىن تۇسقا تىعىپ قويدى.

قيىندىقپەن بەتپە-بەت

تىرشىلىك تۇتاستاي كۇنگەيدەن تۇرمايدى. 2006 جىلى ابىلداەۆتار وتباسىنا دا قيىندىق كەلدى. جەرگىلىكتى «قازاقستان-قىزىلوردا» تەلەارناسىنىڭ ءتىلشىسى سوتسياليستىك ەڭبەك ەرى تۋراسىندا تەلەسيۋجەت ازىرلەۋ ءۇشىن تەرەڭوزەك اۋدانى، شىركەيلى اۋىلىندا تۇراتىن بالدىرعان مۇستافاەۆانىڭ ۇيىنە بارادى. كۇنى بۇرىن حابار العان اجە اسا تياناقتىلىقپەن دايىندالىپ، تىلشىلەردى جىلى جۇزبەن كۇتىپ الادى. جۋرناليست پەن وپەراتور ىڭعايلى ورىندى دايىنداپ، ءتۇسىرۋ جۇمىستارىن باستاپ كەتەدى. ءبىرشاما ۋاقىت وتكەن سوڭ رەداكتور ءسوز اراسىن سۇراقپەن ءبولىپ، جاۋابىن كۇتىپ، اجەيدىڭ بەتىنە قاراعانى سول ەدى، بالدىرعان اپا تەرەڭ ءبىر دەم الىپ، كۇلىمسىرەگەن قالپىندا ءبىر جاعىنا قاراي قيسايا بەرەدى.... جاراتۋشىنىڭ جازعانىنا قارسىلىق بار ما، بۇكىل ەل جيىلىپ اقتىق ساپارعا شىعارىپ سالدى. ەلوردادان ەلباسى جولداعان ارنايى كوڭىل ايتۋ جەدەلحاتى دا قايعىدان ەزىلگەن وتباسىنىڭ كوڭىلىنە مەدەۋ بولدى.

مەملەكەت باسشىسى بۇدان كەيىن دە جۇمىس بابىنداعى ساپارمەن قىزىلورداعا كەلىپ تۇردى. بىراق اسىل اجەسى ومىردەن وتكەننەن كەيىن نۇرسۇلتان جەكە-دارا ول كىسىنىڭ الدىنان شىعا المادى. سوندا عانا ول بالدىرعان اجەسىنىڭ اعايىن اراسىنداعى ابىرويىنىڭ بيىكتىگىنە، ەل ىشىندەگى تانىمالدىعىنا كوزى جەتتى. ول كىسى تەك مۇنىڭ اجەسىنە عانا ەمەس، ەلدىڭ اناسىنا دا اينالعان ەكەن عوي.

الدىمەن جۇمىسسىزدىقتان قيىندىق كوردى. قولىندا كۇرەكتەي ديپلومى بار، ماماندىعى – اناۋ-مىناۋ ەمەس، زاڭگەر. بىراق قايبىر كەڭسەگە بارسا دا، ەستيتىنى ءبىر جاۋاپ – «ورىن جوق». تانىستى دا، تامىردى دا جاعالادى، ايتسا ءسوزى، سوزسا قولى جەتەدى-اۋ دەگەندەردى دە توڭىرەكتەدى. ناتيجە بولمادى. قاتتى قامىعىپ، نالىعانىمەن اجەسىنىڭ ء«بارى دە بولادى. تەك شىدام كەرەك» دەگەن ءسوزىن قايتالاپ، ءوزىن-ءوزى قايرايدى. ەندى كەڭسەنى قويىپ، كۇن كورۋگە كوشتى. ىرگەدەگى تارازدان نەسىبەسىن ىزدەپ كوردى. ودان ارى الماتى اسىپ، قۇرىلىسقا بەل شەشىپ كىرىستى. ءوستىپ جۇرگەندە ءتورت جىل زىمىراپ وتە شىقتى. كەزىندە ارمان قۋىپ، ەلباسىمەن سالەمدەسىپ، سىيلىعى مەن باتاسىن العان جىگىت تاس قالاپ ءجۇر. كىشكەنتاي قوس ءبۇلدىرشىنى قۇلدىراڭداپ ءوسىپ كەلەدى. قام جاساۋ كەرەك.

اقورداعا جازىلعان حات

ۇنەمى وي ۇستىندە جۇرەتىن جىگىت اقىرى تاۋەكەلگە بەل بۋدى. ساندىق تۇبىندەگى سۋرەتتەردى تاۋىپ الدى. سوسىن ەلباسىعا حات جازدى. ومىرىندەگى ەرەكشە ساتتەردى ءتىلى جەتكەنشە قاعازعا ءتۇسىردى. حاتتى استاناعا جولداعانىمەن ەلباسىنىڭ قولىنا تيەرىنە سەنە قويماعان ەدى.

ارادا اپتا وتكەندە قالتا تەلەفونىنا  الدەكىم حابارلاستى. ءوزىن وبلىس اكىمىنىڭ كومەكشىسىمىن دەپ تانىستىردى. وبلىس اكىمى ىزدەپ جاتىر ەكەن. جاڭالاۋ كيىمدەرىن كيىپ، بەلگىلەنگەن ۋاقىتتا اكىمدىككە جەتتى.  وبلىس اكىمى بولاتبەك قۋاندىقوۆ جىلى قارسى الدى. ءبىر اپتادان كەيىن اكىمدىككە كەلىسىم-شارتپەن جۇمىسقا تۇردى.

– ارينە، مۇنىڭ بارلىعى ەلباسىنىڭ شاپاعاتى عوي. بالا كۇنىمدە اجەمە بەرگەن ۋادەسىن ۇمىتپاعانىنا شىن جۇرەكتەن ريزا بولدىم. ەلباسى ەكى سويلەمەيتىن، ەلگە بەرگەن ۋادەسىندە تۇراتىنىن بىلايشا دا ءجيى ەستيمىز عوي. بىراق مەن ءوز كوزىممەن كورىپ،  باسىمنان وتكەرگەننەن كەيىن ول كىسىنىڭ پاراساتتىلىعىنا ءتانتى بولدىم. مەن دە ەرىنبەي ەڭبەك ەتىپ، قازاق مەملەكەتىن پرەزيدەنت مەجەلەگەن بيىككە شىعارۋعا تيتىمدەي بولسا دا ۇلەس قوسۋعا ۋادە بەرەمىن، – دەيدى نۇرسۇلتان.

قازىر نۇرسۇلتان ابىلداەۆ قىزىلوردا وبلىستىق اكىمدىگى اپپاراتى ۇيىمداستىرۋ-ينسپەكتورلىق جۇمىس جانە ايماقتىق دامۋ ءبولىمىنىڭ باس مامانى بولىپ قىزمەت ىستەيدى. ءبىزدىڭ كەيىپكەرىمىز وتكەن جىلى جاڭا قىزمەتىنە تاعايىندالىسىمەن پاتريوتتار فورۋمىنا قاتىسۋ ءۇشىن العاش رەت ۇشاققا وتىرىپ، استاناعا كەلدى.  بالا كەزىندە باياعى پرەزيدەنت سىيلاعان ويىنشىق ۇشاق ەرمەگى بولىپ ەدى. ەندى شىن ۇشاققا ءمىنىپ، ەلباسى سىيعا تارتقان  ساعاتتى قولعا تاعىپ، «بايتەرەكتىڭ» توبەسىنە شىعىپ، اسەم دە ادەمى ارۋ قالاعا بيىكتەن كوز تاستادى. استاناعا تۇبىندە ءبىر كەلەمىن دەپ، ءوزىن-ءوزى ىشتەي سەندىردى. ويتكەنى، ەلباسىمەن جۇزدەسۋلەر ونىڭ ءومىر جولىن تىڭ ارناعا بۇرىپ،  كۇتپەگەن كەرەمەتتەردى ۇنەمى العا تارتىپ كەلەدى.

بەيسەنباي داۋلەتۇلى

Abai.kz