اۋىلدىق مال دارىگەرى قوسىندارىن جابدىقتاۋعا كەلەسى 2014 جىلى 6 ملرد تەڭگە بولىنەتىن بولادى، دەپ حابارلادى استانا قالاسىندا وتكەن «قازاقستانداعى ءىرى قارا مال ەتىنىڭ ەكسپورتتىق الەۋەتىن دامىتۋ باعدارلاماسىن جۇزەگە اسىرۋ ماسەلەلەرى» سەمينارىندا اۋىل شارۋاشىلىعى ءمينيسترى اسىلجان مامىتبەكوۆ.  

ونىڭ ايتۋىنشا، ۆەتەرينارلىق نىسانداردى ماتەريالدىق-تەحنيكالىق جاراقتاۋعا بارلىعى 18 ملرد تەڭگە قاجەت. ال ونىڭ 12 ملرد سوماسى يگەرىلىپ ۇلگەرىلگەن. مال دارىگەرلەرى شپريتستەن باستاپ تەرموشابادانعا دەيىنگى تۇگەل تاپشى زاتتىڭ ءبارىن العان.

«بارلىعىن ساتىپ الدىق: جيھاز، تەرموشاباداندار، توڭازىتقىشتار. ماشينالار مەن تىركەگىشتەر دە الىندى. كەلەسى جىلى ولگەن مالدى كومۋدىڭ ورنىنا ورتەپ جىبەرەتىندەي ينسەنيراتورلار ساتىپ الامىز»، – دەپ ءمالىم ەتتى ا.مامىتبەكوۆ.

سونداي-اق، باستى نازار شتاتتىق اۋىل ۆەتەرينارلارىنا اۋدارىلاتىن ادىستەمەلىك وزگەرىستەر ەنگىزىلۋدە. اسىلجان مامىتبەكوۆ تۇسىندىرگەندەي، بۇرىن كەلىسىمشارت بويىنشا ىستەگەن مال دارىگەرلەرى جىل سايىن اۋىسىپ، تۇراقسىزدىق تانىتاتىن. سالدارىندا ءتورت تۇلىك ءجيى اۋىرىپ، كورسەتكىشتەر تومەندەگەن. ەندىگى ساتتە، شتاتتىق قىزمەتكەرلەر رەتىندە تىركەلگەن ماماندار، وزدەرىنە جۇكتەلگەن تەلىمدەگى جاعدايعا جاۋاپ بەرەتىن بولادى.

اۋىلدىق مال دارىگەرى قوسىندارىن جابدىقتاۋعا كەلەسى 2014 جىلى 6 ملرد تەڭگە بولىنەتىن بولادى، دەپ حابارلادى استانا قالاسىندا وتكەن «قازاقستانداعى ءىرى قارا مال ەتىنىڭ ەكسپورتتىق الەۋەتىن دامىتۋ باعدارلاماسىن جۇزەگە اسىرۋ ماسەلەلەرى» سەمينارىندا اۋىل شارۋاشىلىعى ءمينيسترى اسىلجان مامىتبەكوۆ.  

ونىڭ ايتۋىنشا، ۆەتەرينارلىق نىسانداردى ماتەريالدىق-تەحنيكالىق جاراقتاۋعا بارلىعى 18 ملرد تەڭگە قاجەت. ال ونىڭ 12 ملرد سوماسى يگەرىلىپ ۇلگەرىلگەن. مال دارىگەرلەرى شپريتستەن باستاپ تەرموشابادانعا دەيىنگى تۇگەل تاپشى زاتتىڭ ءبارىن العان.

«بارلىعىن ساتىپ الدىق: جيھاز، تەرموشاباداندار، توڭازىتقىشتار. ماشينالار مەن تىركەگىشتەر دە الىندى. كەلەسى جىلى ولگەن مالدى كومۋدىڭ ورنىنا ورتەپ جىبەرەتىندەي ينسەنيراتورلار ساتىپ الامىز»، – دەپ ءمالىم ەتتى ا.مامىتبەكوۆ.

سونداي-اق، باستى نازار شتاتتىق اۋىل ۆەتەرينارلارىنا اۋدارىلاتىن ادىستەمەلىك وزگەرىستەر ەنگىزىلۋدە. اسىلجان مامىتبەكوۆ تۇسىندىرگەندەي، بۇرىن كەلىسىمشارت بويىنشا ىستەگەن مال دارىگەرلەرى جىل سايىن اۋىسىپ، تۇراقسىزدىق تانىتاتىن. سالدارىندا ءتورت تۇلىك ءجيى اۋىرىپ، كورسەتكىشتەر تومەندەگەن. ەندىگى ساتتە، شتاتتىق قىزمەتكەرلەر رەتىندە تىركەلگەن ماماندار، وزدەرىنە جۇكتەلگەن تەلىمدەگى جاعدايعا جاۋاپ بەرەتىن بولادى.

«قازىرگى ۋاقىتتا شتاتتىق تارتىپتە ەڭبەك ەتەتىن ۆەتەرينارلارعا جوسپارلار تاپسىرىلىپ، ول ءوز كەزەگىندە سۇرالادى. ەگەر قانداي دا ءبىر دەرت انىقتالسا، تەكسەرىس جاسالادى»، – دەيدى مينيسترلىك جەتەكشىسى.