«نۇر وتان» پارتياسى ماڭعىستاۋ وبلىستىق فيليالىنىڭ ءما-ءجىلىس زالىندا پارتيانىڭ اقتاۋ قالالىق ۇيىمىنىڭ ۇيىمداستىرۋىمەن «بيزنەستىڭ جول كارتاسى-2020» باعدارلاماسىن جۇزەگە اسىرۋ ماسەلەلەرى بويىنشا «ازاماتتاردى بىرىڭعاي قابىلداۋ كۇنى» رەسپۋبليكالىق اكتسياسىنىڭ شەڭبەرىندە تۇرعىنداردى قابىلداۋ كۇنى وتكىزىلدى. كاسىبىن قولعا العالى وتىرعان ادامدارمەن كەزدەسۋگە «نۇر وتان» پارتياسى وبلىستىق فيليالىنىڭ قوعامدىق قابىلداۋ بولمەسىنىڭ مەڭگەرۋشىسى امانعالي شامشادين، پارتيانىڭ قالالىق فيليالى توراعاسىنىڭ ءبىرىنشى ورىنباسارى راقىمجان شالباەۆ، «دامۋ» كاسىپكەرلىكتى دامىتۋ قورى» اكتسيونەرلىك قوعامىنىڭ ماڭعىستاۋ وبلىسى بويىنشا ايماقتىق فيليالىنىڭ ديرەكتورى باۋىرجان وتەپباەۆ، اقتاۋ قالالىق جۇمىسپەن قامتۋ ورتالىعىنىڭ ديرەكتورى حاليسا نۇربوسىنوۆا، «كاسپي» شاعىن نەسيەلەۋ ۇيىمى» جاۋاپكەرشىلىگى شەكتەۋلى سەرىكتەستىگىنىڭ باس مامانى گۇلميرا احمەديەۆا جانە باسقا رەسمي تۇلعالار قاتىستى.

كەزدەسۋدى «نۇر وتان» پارتياسى قالالىق ۇيىمى توراعاسىنىڭ ءبىرىنشى ورىنباسارى ر.شالباەۆ كىرىسپە ءسوز سويلەپ اشىپ، ازاماتتاردى بىرىڭعاي قابىلداۋ كۇنىنىڭ ماقسات-باعدارىمەن تانىستىردى.

«نۇر وتان» پارتياسى ماڭعىستاۋ وبلىستىق فيليالىنىڭ ءما-ءجىلىس زالىندا پارتيانىڭ اقتاۋ قالالىق ۇيىمىنىڭ ۇيىمداستىرۋىمەن «بيزنەستىڭ جول كارتاسى-2020» باعدارلاماسىن جۇزەگە اسىرۋ ماسەلەلەرى بويىنشا «ازاماتتاردى بىرىڭعاي قابىلداۋ كۇنى» رەسپۋبليكالىق اكتسياسىنىڭ شەڭبەرىندە تۇرعىنداردى قابىلداۋ كۇنى وتكىزىلدى. كاسىبىن قولعا العالى وتىرعان ادامدارمەن كەزدەسۋگە «نۇر وتان» پارتياسى وبلىستىق فيليالىنىڭ قوعامدىق قابىلداۋ بولمەسىنىڭ مەڭگەرۋشىسى امانعالي شامشادين، پارتيانىڭ قالالىق فيليالى توراعاسىنىڭ ءبىرىنشى ورىنباسارى راقىمجان شالباەۆ، «دامۋ» كاسىپكەرلىكتى دامىتۋ قورى» اكتسيونەرلىك قوعامىنىڭ ماڭعىستاۋ وبلىسى بويىنشا ايماقتىق فيليالىنىڭ ديرەكتورى باۋىرجان وتەپباەۆ، اقتاۋ قالالىق جۇمىسپەن قامتۋ ورتالىعىنىڭ ديرەكتورى حاليسا نۇربوسىنوۆا، «كاسپي» شاعىن نەسيەلەۋ ۇيىمى» جاۋاپكەرشىلىگى شەكتەۋلى سەرىكتەستىگىنىڭ باس مامانى گۇلميرا احمەديەۆا جانە باسقا رەسمي تۇلعالار قاتىستى.

كەزدەسۋدى «نۇر وتان» پارتياسى قالالىق ۇيىمى توراعاسىنىڭ ءبىرىنشى ورىنباسارى ر.شالباەۆ كىرىسپە ءسوز سويلەپ اشىپ، ازاماتتاردى بىرىڭعاي قابىلداۋ كۇنىنىڭ ماقسات-باعدارىمەن تانىستىردى.

–اكتسيانىڭ ماقساتى-«بيزنەستىڭ جولكارتاسى-2020» باعدارلاماسىنىڭ اياسىندا مەملەكەتتىك قولداۋ كورسەتۋدىڭ تەتىكتەرى مەن تالاپتارى تۋرالى حالىق اراسىندا كەڭەستىك تۇسىنىكتەمە جۇمىستارىن ۇيىمداستىرۋ جانە «بيزنەستىڭ جول كارتاسى-2020» باعدارلاماسىن جۇزەگە اسىرۋدى قامتاماسىز ەتەتىن مەملەكەتتىك ورگاندارمەن، ينستيتۋتتارمەن ازاماتتارعا، شاعىن جانە ورتا بيزنەس وكىلدەرىنە اشىق سۇحبات الاڭىن ۇسىنۋ،-دەدى راقىمجان ىسقاقۇلى. –سونىمەن قاتار رەسپۋبليكامىزدىڭ جەر-جەرىندە وتكىزىلىپ جاتقان شارانىڭ ماڭىزدى مىندەتتەرى بار. ولار – «نۇر وتان» پارتياسى قوعامدىق قابىلداۋ بولمەلەرى-ءنىڭ مەملەكەتتىك باعدارلامالاردى جۇزەگە اسىرۋدا حالىق اراسىندا اقپاراتتىق-تۇسىنىكتەمە جۇمىستارىن جۇرگىزۋ بويىنشا قىزمەتتەرىن جەتىلدىرۋ، تۇرعىنداردىڭ، بيلىك پەن پارتيانىڭ ازاماتتاردىڭ وزەكتى ماسەلەلەرىن ءتيىمدى شەشۋگە باعىتتالعان ءوزارا تىعىز بايلانىسىن ۇيىمداستىرۋ، اتالعان باعدارلامانى جۇزەگە اسىرۋ ماسە-لەلەرى بويىنشا اكتسيانى وتكىزۋ بارىسىندا كەلىپ تۇسكەن وتىنىشتەر مەن ۇسىنىستارعا مونيتورينگ جۇرگىزۋ.

ازاماتتاردى بىرىڭعاي قابىلداۋ كۇنى بارىسىندا كاسىبىن جاڭادان باستاعالى ءجۇر-گەن وبلىس تۇرعىندارى جەكە بيزنەستى اشۋ، ىسكەر قاۋىم وكىلدەرىنە جەر تەلىمدەرىن ءبولۋ جانە كاسىپكەرلىكتى قولعا الۋ ءۇشىن نەسيەلەر الۋ ماسەلەلەرى توڭىرەگىندە اڭگىمە ءوربىتتى. اقتاۋ قالاسىنىڭ تۇرعىنى قونىس ەستەكوۆ كوكونىس ءوسىرۋ ءۇشىن جەر تەلىمىن الا الماي جۇرگەندىگىن ايتسا، مۇنايلى اۋدانىنىڭ تۇرعىنى شوقان قۇلبالاەۆ اۆتوكولىكتەرگە سەرۆيستىك-تەحنيكالىق قىزمەتتەر كورسەتۋ ورتالىعىن اشۋ ءۇشىن جول بويىنان جەر تەلىمىن ىزدەستىرىپ وتىرعانىن تىلگە تيەك ەتتى. تۇپقاراعان اۋدانىنىڭ تۇرعىنى رۋسلان ايكەشوۆ فورت-شەۆچەنكو قالاسىندا سپورت كەشەنىن سالۋ ءۇشىن نەسيەلەر الۋدىڭ قيىندىعىن ءسوز ەتسە، كوپ بالالى انا ءجولبيبى كوشەرباەۆا قۇلاندى اۋىلىنان تۇرعىن ءۇي سۇرايدى. اقتاۋ قالاسىنىڭ تۇرعىندارى گۇلسانىم الامباەۆا مەن سۆەتلانا وڭاەۆا قارجى ينستيتۋتتارىنان نەسيە الۋ جايىن سۇراسا، ەكىنشى توپتىڭ مۇگەدەگى باۋىرجان بايدۋللاەۆ اعاسى حاسانمەن بىرگە جەكە بيزنەس اشقىسى كەلەدى.

كەزدەسۋدە اقتاۋ قالالىق جۇمىسپەن قامتۋ ورتالىعىنىڭ ديرەكتورى حاليسا نۇربوسىنوۆا كاسىپكەرلىك سۋبەكتىلەرىندە جۇمىسسىزداردى جۇمىسپەن قامتىعانى ءۇشىن جۇمىسقا الىنعان جۇمىسشىلاردىڭ جالاقىسىنىڭ جارتىسى 26 مىڭ تەڭگەدەن استام ەمەس مولشەردە تولەنەتىندىگىن نازارعا بەردى.

قابىلداۋ كۇنىندە «دامۋ» كاسىپكەرلىكتى دامىتۋ قورى» اكتسيونەرلىك قوعامىنىڭ ماڭعىستاۋ وبلىسى بويىنشا ايماقتىق فيليالىنىڭ ديرەكتورى باۋىرجان وتەپباەۆ شاعىن بيزنەستى اشۋ جولدارى تۋرالى كەڭىنەن تۇسىنىك بەردى. بۇل ءۇشىن ءوز ءىسىن قولعا العىسى كەلىپ وتىرعان ادامدار «دامۋ» كاسىپكەرلىكتى دامىتۋ قورىنىڭ» جەرگىلىكتى وبلىستىق فيليالىندا «دامۋ-كەڭەسشى» باعدارلاماسى بويىنشا ەكى كۇندىك وقۋ كۋرسىنان ءوتىپ، بيزنەستى جۇرگىزۋدىڭ قىر-سىرىن ۇيرەنۋگە ءتيىس. بۇدان كەيىن ولار سالىق كوميتەتىندە تىركەلىپ، جەكە كاسىپكەر كۋالىگىن الۋى قاجەت.

سونان سوڭ «دامۋ» قورىنىڭ جەرگىلىكتى فيليالىنىڭ باسشىسى كاسىپكەرلەرگە، ولاردىڭ ىشىندە بيزنەسىن جاڭادان باستاعان ىسكەر قاۋىم وكىلدەرىنە جاسالاتىن جەڭىلدىكتەر مەن نەسيەلەر الۋ جولدارى جونىندە اڭگىمە قوزعاپ، كەزدەسۋگە قاتىسۋشىلارعا كوپتەگەن اقىل-كەڭەستەر بەردى.
قازىرگى تاڭدا ءبىزدىڭ ەلىمىزدە شاعىن جانە ورتا بيزنەس سۋبەكتىلەرىنە جاسالىپ وتىرعان قامقورلىق از ەمەس. ماسەلەن، «دامۋ» كاسىپكەرلىكتى دامىتۋ قورىندا» كاسىپكەرلەر العان نەسيەلەردىڭ سىياقىلىق مولشەرلەمەلەرى 14 پايىزدان 7 پايىزعا، ءتىپتى ودان دا تومەن پايىزعا دەيىن مەملەكەت ەسەبىنەن سۋبسيديالانىپ، تومەندەتىلەدى.

كاسىپكەرلىكتىڭ كەلەلى ماسەلەلەرى قوزعالعان ازاماتتاردى بىرىڭعاي قابىلداۋ كۇنى كەلۋشىلەردىڭ كوڭىلىنەن شىقتى. ولار مۇنداي كەزدەسۋلەردىڭ كاسىبىن باستاعىسى كەلەتىن بولاشاق ىسكەر قاۋىم وكىلدەرى ءۇشىن بەرەرى كوپ ەكەندىگىن اتاپ ءوتتى.