سوڭعى ۋاقىتتارى ەلدەگى بولىپ جاتقان توتەنشە سۋ باسۋ جاعدايىنان كەيىن كوپتەگەن ۇيلەر مەن مالدار دا سۋ استىندا قالدى. بۇل دەگەنىمىز ءوز الدىنا ءبىر بولەك، ولىكسەلەردەن بولىنەتىن ۋلى ينفەكتسيالاردىڭ تارالۋىن بىلدىرەدى. وسى جاعدايدىڭ الدىن الۋ ماقساتىندا اقتوبە وبلىسىندا ينفەكتسيانىڭ تارالۋىنا جول بەرمەۋ ءۇشىن سۋ باسقان اۋماقتى جاپپاي زالالسىزداندىرۋ جۇمىستارى باستالدى.

بۇل جۇمىسقا رادياتسيالىق، حيميالىق جانە بيولوگيالىق قورعانىس بولىمشەلەرىنىڭ قىزمەتكەرلەرى جۇمىلدىرىلعان. اسكەريلەر تاسقىن شايعان بەس مىڭنان استام گەكتار جەردى دەزينفەكتسيالاماق.

"جۇقپالى اۋرۋلاردىڭ، ونىڭ ىشىندە ىشەك اۋرۋلارى ءبىرىنشى كەزەكتە. سولاردى جۇقتىرۋى مۇمكىن. اۋرۋلاردىڭ تارالۋىن الدىن الۋ ماقساتىندا وسى سۋ تاسقىنىنان كەيىنگى شارالار جۇرگىزىلۋدە. سونىمەن قاتار، اقتوبە قالاسى بويىنشا سۋمەن جابدىقتاۋ وبەكتىلەرى ءبىزدىڭ قاداعالاۋىمىزدا ەكەنىن ايتىپ وتكىم كەلەدى. سۋ تاسقىنى كەزىندە بۇل وبەكتىلەردىڭ سۋ كوزدەرىن سۋ باسقان جوق", – دەدى اقتوبە وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ ءبولىم باسشىسى نازيما سەرباەۆا.

Abai.kz