ەل بويىنشا سۋ تاسقىنىنا قارسى ءىس-شارالارعا بەلسەندى قاتىسقان ۆولونتەر سانى 43 مىڭنان استى.

ۆولونتەرلەر كۇشىمەن 6640 تونناعا جۋىق گۋمانيتارلىق كومەك جينالدى، ونىڭ 4048 تونناسى «قىزىل» ايماقتارعا جەتكىزىلدى جانە زارداپ شەككەن حالىققا تاراتىلدى.

ۆولونتەرلەر ەۆاكۋاتسيالاۋعا، گۋمانيتارلىق كومەك جيناۋعا جانە تاراتۋعا، بوگەتتەردى كۇشەيتۋگە جانە ىستىق تاماقپەن قامتاماسىز ەتۋگە قاتىسىپ، سۋ تاسقىنىنان زارداپ شەككەن ازاماتتارعا كومەك كورسەتتى.

اقتوبە وبلىسىندا ۆولونتەرلەر بىرلىگى مەن جۇمىلعان كۇشىنىڭ ارقاسىندا 308 توننا ازىق-تۇلىك، 85 توننا ازىق-تۇلىك ەمەس قاجەتتى تاۋارلار جانە 223 كيلوگرامم ءدارى-دارمەك ەۆاكۋاتسيالىق پۋنكتتەرگە ءبولىندى. 10 مىڭعا جۋىق قۇتقارۋشى مەن ەۆاكۋاتسيالانعان تۇرعىندار ءۇشىن ىستىق تاماق ۇيىمداستىرىلدى.

اتىراۋ وبلىسىندا ۆولونتەرلەر شتابى شۇعىل رەجيمدە جۇمىس ىستەۋدە. سۋ تاسقىنىنا قارسى ءىس-شارالارعا 13 مىڭنان استام ۆولونتەر جۇمىلدى. گۋمانيتارلىق كومەك قابىلداۋ پۋنكتىندە بۇگىنگى تاڭدا 1390 توننادان استام تاۋارلار مەن زاتتار جينالدى.

اتىراۋ قالاسىندا بوگەت كۇشەيتۋ ءۇشىن 107 پۋنكت ورناتىلعان. بوگەت تۇرعىزۋ جۇمىستارى تاۋلىك بويى جۇرگىزىلۋدە.

ۆولونتەرلەر مەن اۋىلدىق وكرۋگ تۇرعىندارىنىڭ باستاماسى بويىنشا سۋ شايىپ كەتپەس ءۇشىن، بوگەتتەر تۇرعىزىلىپ جاتىر. گاز قۇبىرلارى مەن ەلەكترمەن جابدىقتاۋ سياقتى ينفراقۇرىلىمدىق وبەكتىلەردى قورعاۋعا ەرەكشە نازار اۋدارىلدى.

باتىس قازاقستان وبلىسىندا قۇتقارۋ جۇمىستارىنا 8000 ۆولونتەر قاتىستى. كومەك جيناۋ پۋنكتتەرىندە 415 توننا گۋمانيتارلىق كومەك جينالدى.

قوستاناي وبلىسىندا 3500-دەن استام ۆولونتەر ازاماتتاردى ەۆاكۋاتسيالاۋ جانە گۋمانيتارلىق كومەك پۋنكتتەرىنىڭ جۇمىسىنا قاتىسادى.

شىمكەنتتە 1500-گە جۋىق ۆولونتەر جۇمىلدىرىلىپ، ولاردىڭ ءبىر بولىگى زارداپ شەككەن وڭىرلەرگە جول تارتتى.

قر مادەنيەت جانە اقپارات مينيسترلىگىنىڭ ءباسپاسوز قىزمەتى

Abai.kz