جوعارعى سوتتىڭ حابارلاۋىنشا استانا قالاسىنىڭ پوليتسيا دەپارتامەنتى سۋديا ايجان قۇلباەۆاعا قاتىستى قورقىتۋ فاكتىسى بويىنشا قىلمىستىق ءىس قوزعادى، دەپ حابارلايدى Abai.kz.

سۋديانىڭ ۇيالى تەلەفونىنا بەلگىسىز نومىردەن قوڭىراۋلار مەن قورقىتۋ حابارلامالارى تۇسكەن.

"تەكسەرۋ ءىس-شارالارىنىڭ ناتيجەلەرى بويىنشا تەرگەۋ ورگانى قىلمىستىق كودەكستىڭ 411-بابىنىڭ 1-بولىگى (سۋدياعا جالا جابۋ) بويىنشا قىلمىستىق ءىس قوزعادى. زاڭ كەز كەلگەن ادامعا سوت تورەلىگىن جۇزەگە اسىرۋ پروتسەسىنە، ونىڭ ىشىندە سۋديانىڭ اتىنا جالا جابۋ نەمەسە قورقىتۋ سيپاتىنداعى ماتەريالداردى جاريالاۋ جولىمەن، ىقپال ەتۋگە تىيىم سالاتىنىن ەسكەرتەمىز. سوت بيلىگىنىڭ بەدەلىن تۇسىرەتىن ارەكەتتەردىڭ جولى كەسىلەتىن بولادى", – دەلىنگەن حابارلامادا. 

قازىرگى تاڭدا سۋديا، جەكە قاۋىپسىزدىك شارالارىمەن قامتاماسىز ەتىلدى. سونىمەن قاتار، ينتەرنەت كەڭىستىگىندە جۇرگىزىلگەن مونيتورينگ بارىسىندا سۋدياعا قاتىستى قىلمىستىق قۇقىق بۇزۋشىلىق ءىس-ارەكەتتەرى بار كوپتەگەن جاعىمسىز جاريالانىمدار انىقتالدى.

Abai.kz