سۋ تاسقىنىنان زارداپ شەككەن قوستاناي وبلىسىنىڭ تۇرعىندارى ارقالىق قالاسىنداعى پاتەرلەرگە يە بولدى. ال جەرگىلىكتى بيلىك ولارعا پاتەر ساتىپ الۋ ءۇشىن 317 ميلليون تەڭگە تولەدى. بۇل تۋرالى وبلىس اكىمدىگى حابارلادى.

"ارقالىق قالاسىنىڭ اكىمدىگىندە قالاعا كوشۋگە جانە پاتەر ساتىپ الۋعا نيەت بىلدىرگەن ەكىدىن جانە قىزىلجۇلدىز اۋىلدارىنىڭ تۇرعىندارىنان 24 ءوتىنىش كەلىپ ءتۇستى. بۇگىنگى تاڭدا 24 پاتەر ساتىپ الۋعا شارتتار جاسالدى، 16 ساۋىردە جالپى سوماسى 317 ميلليون 183 مىڭ تەڭگەگە قاراجات اۋدارىلدى", – دەپ جازىلعان حابارلامادا.

العاشقى تۇرعىنداردىڭ پاتەرلەرگە كەلۋى وسى جىلدىڭ 17 ساۋىرىندە باستالدى. قالاعا كوشكىسى كەلەتىن اۋىل تۇرعىندارىنان وتىنىمدەردى قابىلداۋ جالعاسۋدا.

Abai.kz