قازاننان قاقپاق كەتسە، يتتەن ۇيات كەتەدى دەمەكشى، سوڭعى كۇندەرى TikTok جانە باسقا دا الەۋمەتتىك جەلىلەردە ادام ايتسا سەنگىسىز اقپاراتتار تارالىپ ءجۇر. سونىڭ ءبىرى 24 ءساۋىر حالىقارالىق زورلىق-زومبىلىق كۇنى ەكەنى تۋرالى اقپارات.

جەلى قولدانۋشىلارىنىڭ سوزىنشە، بۇل كۇنى ەر ادامدار ايەلدەرگە زورلىق كورسەتە الادى. ءىىم اعىلشىن تىلىندەگى پوستتان تاراعان بۇل حابارلامانىڭ جالعان ەكەنىن اتاپ ءوتتى. بۇل تۋرالى Polisia.kz حابارلادى.

"قازىرگى ۋاقىتتا "24 ءساۋىر" تۋرالى اقپاراتتى قازاقستان رەسپۋبليكاسىنىڭ اۋماعىندا تاراتقان  TikTok جەلىسىنىڭ ەكى قولدانۋشىسى انىقتالدى. ولارمەن پروفيلاكتيكالىق اڭگىمە جۇرگىزىلدى", – دەپ جازىلعان حابارلاداما.

پوليتسيا قر قك-ءنىڭ 274-بابى (كورىنەۋ جالعان اقپارات تاراتۋ) بويىنشا جالعان اقپارات تاراتقانى ءۇشىن جاۋاپكەرشىلىك بارىن ەسكەرتەدى. باپتىڭ سانكتسياسىمەن 5 مىڭ اەك مولشەرىندە ايىپپۇل نەمەسە 5 جىلعا دەيىن باس بوستاندىعىن شەكتەۋ نە بولماسا باس بوستاندىعىنان ايىرۋ تۇرىندەگى جازا قاراستىرىلادى.

سۋرەت اۆتورى: grozny.tv

Abai.kz