پەتروپاۆلعا كوپ مولشەردە سۋ كەلە جاتىر. جەرگىلىكتى جەردەگى جاعداي قانداي؟ بۇل تۋرالى ازاتتىق راديوسى جازدى. 

سولتۇستىك قازاقستان وبلىسىندا تاسقىنعا بايلانىستى جاعداي اۋىر دەگەن اقپارات تارادى. وڭىردەگى 219 ەلدى مەكەنگە تاسقىن قاۋپى ءتونىپ تۇر. كەيبىر اۋىلدىڭ ەلەكتر جەلىسىن مۇز قيىپ، جارىق وشكەن.

ەسىل وزەنىندەگى سەرگەەۆ سۋ قويماسى تولىپ، وزەن سۋى ەري باستاعان. پوكروۆكا اۋىلىندا شامامەن 30 ءۇيدى سۋ باسىپ، ەكى جۇزگە جۋىق ادام ەۆاكۋتسيالاندى. ادامدار ەڭ باعالى دەگەن زاتتارىن الىپ، تۋىسقاندارىنىڭ ءۇيىن نەمەسە جەرگىلىكتى جاتاقحانادا اشىلعان ەۆاكۋاتسيا پۋنكتىن پانالاعان.

"تاسقىنعا قارسى جۇمىس جۇرگىزىلگەن جوق، اكىم جۇمىس ىستەمەگەن. ءبىز تەك سۋ كەلە جاتقانىن بىلدىك، بىراق ول جىل سايىن تاسيدى، ءبىز – پەتروپاۆلدىقتار وعان ۇيرەنىپ قالعانبىز. بىراق كەيىننەن سۋ مولشەرى تىم كوپ ەكەنىن، بوگەتتەن جوعارى كوتەرىلگەنىن ەستىگەندە حالىق اسىپ-ساسىپ قالدى، سارىۋايىمعا سالىنا باستادى" دەدى پوكروۆكا اۋىلىنىڭ نادەجدا.

12 ساۋىرگە قاراعان ءتۇنى توتەنشە جاعدايلار مينيسترلىگى سولتۇستىك قازاقستان وبلىسى پوكروۆكا اۋىلىندا ىشىنە توپىراق سالىنعان 4750 قاپشىق توسەلدى، وعان قوسا 150 توننا ينەرتتى ماتەريال توگىلىپ، 13,5 مىڭ تەكشە مەتر ەرىگەن سۋ قايتارىلدى دەپ حابارلادى.

Abai.kz