سىبايلاس جەمقورلىققا قارسى ءىس-قيمىل اگەنتتىگى قايرات ساتىبالدىۇلىنا قاتىستى قىلمىستىق ءىستى قاراۋ شەڭبەرىندە سوت زاڭسىز ساتىپ الىنعان اكتيۆتەردى قايتارۋ جونىندەگى راسىمدەردى ورىنداۋ قاجەتتىلىگىنە بايلانىستى پروتسەستىك كەلىسىم جاساسۋ ءۇشىن قوسىمشا مەرزىم بەرۋ تۋرالى شەشىم قابىلداعانى تۋرالى حابارلادى.

«اتاپ ايتقاندا، سوتتالۋشىنىڭ جالپى سوماسى 50 ملرد تەڭگەدەن اساتىن قوسىمشا مۇلىكتىك اكتيۆتەرىن مەملەكەت پايداسىنا قايتارۋ تۋرالى ماسەلە قارالۋدا»، – دەپ جازىلعان حابارلامادا.

بۇعان دەيىن حابارلانعانداي، تەرگەۋ بارىسىندا قايرات ساتىبالدىۇلى ءوز كىناسىن تولىق مويىنداپ، قىلمىستىق جولمەن الىنعان مۇلىكتى اشۋعا ىقپال ەتكەن. سوتقا دەيىنگى تەرگەپ-تەكسەرۋ كەزەڭىندە سىبايلاس جەمقورلىققا قارسى قىزمەت سوتتالۋشىنىڭ جانە ونىمەن بايلانىستى تۇلعالاردىڭ جالپى سوماسى 732 ملرد تەڭگەدەن استام مۇلىكتىك اكتيۆتەرى مەن اقشالاي قاراجاتىن مەملەكەت پايداسىنا قايتارۋدى قامتاماسىز ەتتى.

Abai.kz