سارسەنبى, 22 مامىر 2024
604 0 پىكىر 5 ءساۋىر, 2024 ساعات 17:05

بۇگىن قادىر ءتۇنى: باس ءمۇفتي قۇتتىقتادى

سۋرەت: muftyat.kz

بۇگىن بارشا مۇسىلمان قاۋىمى قادىر ءتۇنىن قارسى الادى. باس ءمۇفتي ناۋرىزباي قاجى تاعانۇلى بارشا مۇسىلمان قاۋىمىن قاسيەتتى قادىر تۇنىمەن قۇتتىقتادى. 

ناۋرىزباي قاجى تاعانۇلى،

قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي:

قۇرمەتتى جاماعات!

قاسيەتتى قادىر كەشى مۇباراك بولسىن! اللا تاعالا ۇستاعان ورازالارىڭىزدى، جاساعان قۇلشىلىق-عيباداتتارىڭىزدى قابىل ەتكەي.

اللا تاعالا تۇندەردىڭ ىشىندە قادىر ءتۇنىنىڭ قادىرى مەن قاسيەتىن ارتتىرىپ قويدى. رامازان ايىنىڭ قاسيەتتى بولۋىنىڭ ۇلى ەرەكشەلىكتەرىنىڭ ءبىرى – قادىر تۇنىندە تاعدىردىڭ جازىلۋى. ال قادىر ءتۇنىنىڭ قاسيەتتى بولۋىنىڭ ءمانى – ادامزات بالاسىن ەكى دۇنيە باقىتىنا جەتەلەۋشى، اق پەن قارانىڭ، ادال مەن ارامنىڭ اراجىگىن ايقىنداۋشى قۇراننىڭ ءتۇسۋى.

قادىر ءتۇنى – قاسيەتتى، تاعدىر، تارىلۋ دەگەن ماعىنالاردى بىلدىرەدى. قادىر ءتۇنى – اللا تاعالا پەرىشتەلەرگە ءامىر ەتۋىمەن قۇران كارىمدى لاۋحۋل ماحفۋزدان (بارلىق جاراتىلىستىڭ تاعدىرى جازىلعان كىتاپ) بايتۋل عيززاعا (دۇنيە اسپانى) تۇسىرگەن قاسيەتتى ءتۇن. ول جايلى اللا تاعالا قۇراندا:

«نەگىزىنەن قۇراندى قادىر تۇنىندە تۇسىردىك» («قادر» سۇرەسى، 1-ايات), – دەپ ايتقان. كەيىن 23 جىل بويى ءتۇرلى سەبەپتەر مەن وقيعالارعا بايلانىستى پايعامبارىمىزعا (وعان اللانىڭ سالاۋاتى مەن سالەمى بولسىن) ۋاحي ەتىلىپ وتىرعان. بۇل ءتۇننىڭ ارتىقشىلىعى جونىندە اللا تاعالا قۇراندا بىلاي دەيدى: «قادىر ءتۇنى مىڭ ايدان دا  قايىرلى» («قادر» سۇرەسى، 3-ايات).

ايشا انامىز (وعان اللا رازى بولسىن) ارداقتى پايعامبارىمىز مۇحاممەدتەن (وعان اللانىڭ سالاۋاتى مەن سالەمى بولسىن): «ۋا، اللانىڭ ەلشىسى، قادىر تۇنىندە قانداي دۇعا تىلەيىن؟» دەپ سۇرايدى. سوندا پايعامبارىمىز (وعان اللانىڭ سالاۋاتى مەن سالەمى بولسىن): «اللا، راسىندا، سەن كەشىرىمدىسىڭ جانە كەشىرگەندى جاقسى كورەسىڭ. مەنى كەشىرە گورشى» دەپ ايتاسىڭ» دەپ جاۋاپ بەرگەن. پايعامبارىمىز (وعان اللانىڭ سالاۋاتى مەن سالەمى بولسىن) تاعى ءبىر حاديسىندە: «كىمدە-كىم قادىر ءتۇنى يمانمەن جانە ساۋابىن ءۇمىت ەتىپ قۇلشىلىق ەتسە، ونىڭ الدىڭعى كۇنالارى كەشىرىلەدى», – دەگەن.

ءيسى مۇسىلمان بالاسىنىڭ تاعدىر جازىلاتىن ءتۇندى تاعاتسىزدانا كۇتۋىنىڭ ءبىر حيكمەتى – جاراتقانعا جاقىنداي تۇسۋگە تالپىنۋى. سوندىقتان بۇل ءتۇندى ساۋاپتى ىستەرمەن وتكىزۋگە تىرىسايىق.

اللا تاعالادان قاسيەتتى قادىر تۇنىندە ەلىمىزدىڭ اماندىعى مەن تىنىشتىعىن تىلەپ، سۋ تاسقىنىنان زارداپ شەككەن حالقىمىزعا جەڭىلدىك سۇرايىق. جاراتۋشى يەمىز قازاق ەلىنە جار بولعاي! ءامين!

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2272
ادەبيەت

«سولاي ەمەس پە؟»

عابباس قابىشۇلى 2624
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2645
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1716