جۇمىسقا ورنالاسۋ نەمەسە وقۋعا ءتۇسۋ كەزىندە ەندى زاڭدى تۇلعالار اسكەري بيلەت تالاپ ەتپەيتىن بولدى.

قورعانىس مينيسترلىگىنىڭ مالىمەتىنشە، اسكەري قىزمەت وتكەرۋگە جاتاتىن ادامداردى جانە مەرزىمدى اسكەري مىندەتتىلەردى اسكەري ەسەپكە الۋ قاعيدالارىنىڭ 6-تاراۋىنا سايكەس زاڭدى تۇلعالار اسكەري ەسەپكە الۋدى جۇرگىزۋگە مىندەتتى.

"زاڭدى تۇلعالاردىڭ اسكەري ەسەپكە الۋدى جۇرگىزگەن كەزدەگى نەگىزگى مىندەتتەرىنىڭ ءبىرى جۇمىسقا (وقۋعا) قابىلدانعان ازاماتتاردىڭ اسكەري ەسەپكە الۋ مارتەبەسىن انىقتاۋ بولىپ سانالادى. وسىعان بايلانىستى كادر بولىمدەرى اسكەري ەسەپكە الۋ قۇجاتتارىن (اسكەري بيلەت، تىركەۋ تۋرالى كۋالىك), اسكەري قىزمەت وتكەرگەنىن راستايتىن انىقتامالاردى جانە ت.ب.سۇراتاتىن.

"جۇمىسقا (وقۋعا) قابىلدانعان ازاماتتاردىڭ اسكەري ەسەپكە الۋ مارتەبەسىن انىقتاۋ ءۇشىن ەندى جۇمىس بەرۋشىگە قورعانىس مينيسترلىگىنىڭ اقپاراتتىق جۇيەسىنەن اسكەري ەسەپكە الۋ تۋرالى اقپاراتتى ءبىر رەت باسۋ قاجەت", – دەلىنگەن مينيسترلىك حابارلاماسىندا.

قارۋلى كۇشتەردىڭ جۇرگىزىلىپ جاتقان تسيفرلىق ترانسفورماتسياسى بۇل تالاپتاردى جويۋعا مۇمكىندىك بەردى.

Abai.kz