جەكسەنبى, 23 ماۋسىم 2024
انە، كوردىڭ بە؟ 1110 3 پىكىر 1 ءساۋىر, 2024 ساعات 16:59

سۋ تاسقىنى: «ەپت...» دەگىش بوزىمباەۆ ەپتەي الا ما؟

سۋرەت: el.kz

بوزىمباەۆتىڭ ۆيتسە-پرەمەر بولۋى ەش ستسەناريدە قاراستىرىلماعان ەدى.  قازاقستانداعى توعىز وبلىستىڭ سۋ استىنا كەتۋى قىتايداعى فورۋمنان ورالعان پرەزيدەنت قاسىم-جومارت توقاەۆتىڭ فورس-ماجور جاعدايىندا كادرلىق شەشىم قابىلداۋىنا ىقپال ەتتى. جەكسەنبى دەمالىس ەكەنىنە قاراماستان پرەزيدەنت كەڭەسشىسى قانات بوزىمباەۆ پرەمەر-ءمينيستردىڭ ورىنباسارى قىزمەتىنە تاعايىندالدى. بۇل تۋرالى DALA INSIDE جازدى.

«بوزىمباەۆ ايماقتىق ساياساتقا، تۇرعىن ءۇي-كوممۋنالدىق شارۋاشىلىق جۇيەسىنە، توتەنشە جاعدايلار مەن سۋ رەسۋرستارىنا جاۋاپتى بولادى. اسىرەسە سوڭعى ەكى باپقا باستى كۇش سالۋ تاپسىرىلدى»، - دەيدى، DALA INSIDE دەرەككوزى.

بۇل باعىتقا بۇعان دەيىن پرەمەر-ءمينيستردىڭ ءبىرىنشى ورىنباسارى رومان سكليار جاۋاپ بەرەتىن. رومان ۆاسيلەۆيچ پروفەسسياسىن اۋىستىرمادى. قاتاڭ سوگىس العانى بولماسا، ول دا قىزمەتىندە.

«سكليارعا ءوزى جاقسى بىلەتىن ءوندىرىس، اۆتوپروم سالاسى قالدىرىلدى. شىن ايتقاندا توتەنشە جاعدايمەن كۇرەسۋ ونىڭ ءپروفيلى ەمەس ەدى»، - دەيدى، دەرەككوز.

بوزىمباەۆتىڭ كەلۋىمەن ۇكىمەت قۇرامى كۇشەيدى. ول زارداپ شەككەندەرمەن جۇمىس، سىنعان دۇنيەنى قالپىنا كەلتىرۋ، اقشا بولگىزۋ، جەر-جەردەگى جۇمىستى ۇيىمداستىرۋ سياقتى جۇمىستارعا جاقسى ماماندانعان. بۇل باعىتتاعى ونىڭ ءستيلى مارقۇم بەردىبەك ساپارباەۆقا ۇقسايدى. نەگىزى، بوزىمباەۆقا قاتىستى جوسپار باسقا ەدى. بىراق توپان سۋ بارلىق جوسپاردى بۇزدى. مەملەكەت باسشىسى جاقسى كومەكشىدەن ايرىلدى. ەسەسىنە ۇكىمەت ايماقتارمەن جۇمىس ىستەي الاتىن ۆيتسە-پرەمەرمەن تولىقتى.

«بوزىمباەۆ بيىلعى اپاتتىڭ سالدارىن رەتتەپ، كەلەسى جىلى ەرىگەن قار سۋى مەن جاڭبىر سۋىنىڭ بارلىعى توعاندار مەن سۋ قۇيمالارىنا جينالاتىنداي سيستەما جاساۋى ءتيىس»، - دەيدى، دەرەككوز.

ونىڭ ويىنشا، سۋدىڭ بارلىعى جەرگە سىڭبەي، اعىپ كەتكەندىكتەن، جازدا اۋىل شارۋاشىلىعى سالاسىندا ۇلكەن اپاتتار باستالادى. اۋىل شارۋاشىلىعى ءمينيسترى ايداربەك ساپاروۆقا ۇلكەن سىناق كەلە جاتىر. بۇل جولعى «تسۋنامي» ۇكىمەتتىڭ تەڭ جارتىسىنىڭ جازا ارقالاۋىنا الىپ كەلدى. شۇعىل كەڭەس قورىتىندىسى بويىنشا پرەمەر-ءمينيستردىڭ ءبىرىنشى ورىنباسارى رومان سكليار، سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ، اتىراۋ وبلىسىنىڭ اكىمى سەرىك شاپكەنوۆ، اقمولا وبلىسىنىڭ اكىمى مارات احمەتجانوۆ، الماتى وبلىسىنىڭ اكىمى مارات سۇلتانعازيەۆ، پاۆلودار وبلىسىنىڭ اكىمى اسايىن بايحانوۆ پەن اباي وبلىسىنىڭ اكىمى اباي نۇرلان ۇرانحاەۆقا قاتاڭ سوگىس بەرىلدى. ال باتىس قازاقستان وبلىسىنىڭ اكىمى ناريمان تورەعاليەۆ، اقتوبە وبلىسىنىڭ اكىمى اسحات شاحاروۆ جانە قوستاناي وبلىسىنىڭ اكىمى قۇمار اقساقالوۆ قىزمەتتىك تالاپقا تولىق ساي ەمەستىگى تۋرالى ەسكەرتۋلەر الدى. پرەمەر-مينيستر ولجاس بەكتەنوۆ سۋ تاسقىنىنان زارداپ شەككەندەردىڭ بارلىعىنا كومەك كورسەتىلىپ، شىعىن وتەلەتىنىن ايتتى. قازىر ونىڭ كولەمى ەسەپتەلىپ جاتىر.

Abai.kz

3 پىكىر