كوكتەمگى سۋ تاسقىنى ەلىمىزدىڭ ءبىراز ايماعىن ابىگەرگە سالدى. اسىرەسە اباي، اقتوبە جانە قوستاناي وبلىستارىنداعى جاعداي كۇردەلى.

سۋ تاسقىنىنان زارداپ شەككەن وتباسىلارعا «AMANAT» پارتياسى «جاستار رۋحى» جاستار قاناتىنىڭ ەرىكتەلەرى كومەكتەسىپ جاتىر.

جاستار قاناتىنىڭ اقتوبە وبلىستىق فيليالىنىڭ توراعاسى الىشەر تىنىشتىقتىڭ ايتۋىنشا ەرىكتىلەر ەلىمىزدەگى توتەنشە جاعدايلار كەزىندە ەشقاشان شەت قالماعان.

«ايماقتارداعى قازىرگى احۋال بارشامىزعا بەلگىلى. وبلىسىمىزداعى جاعدايدى بىلە تۇرا، قول قۋسىرىپ وتىرا المادىق. ءبىر توپ ەرىكتى شۇبارقۇدىق اۋىلىنا جولعا شىقتىق. قاردىڭ قارقىندى ەرۋىنە بايلانىستى بولعان سۋ تاسقانىنان زارداپ شەككەن تۇرعىندارعا بارىنشا كومەك كورسەتۋگە دايىنبىز»، - دەيدى ءا. تىنىشتىق.

ال قوستاناي وبلىسىنداعى ەكىدىڭ اۋىلىندا كومەك كورسەتىپ جۇرگەن ەرىكتىلەردىڭ ءبىرى – ابزال نۇريدين.

«مۇندا 12 ءۇيدى سۋ باسىپ قالعان. ەرىكتىلەر  ەۆاكۋاتسيالاۋ جۇمىستارىنا اتسالىسىپ جاتىر»، - دەيدى ول. 

«جاستار رۋحى» جاستار قاناتىنىڭ توراعاسى اقەركە ەسكەندىروۆانىڭ ايتۋىنشا، بۇكىل ەل بويىنشا 100-دەن استام ۆولونتەر ورتاق ىسكە جۇمىلدىرىلعان.

ءبىر جاعادان باس، ءبىر جەڭنەن قول شىعارىپ سۋ تاسقىنىنىڭ العاشقى ساعاتىنان-اق جەرگىلىكتى تۇرعىندارعا كومەك بەرۋدەمىز. بىلتىر اباي وبلىسىندا بولعان ءورت كەزىندە دە بار كومەگىمىزدى اياماعانبىز. جاستار قاناتىنىڭ ۆولونتەرلەرى ءاردايىم حالىققا كومەك بەرۋ ىسىندە العى شەپتە دەپ ايتا الامىن. قازىرگى تاڭدا قوستاناي، اباي، اقتوبە جانە باسقا دا سۋ الىپ جاتقان ايماقتاردا ءبىزدىڭ بىرنەشە ۆولونتەر كومەك كورسەتۋدە»، - دەدى ول.

«جاستار رۋحى» جاستار قاناتى جاساقتاعان ۆولونتەرلەر توبى قاردىڭ ەرۋى مەن توپىراقتىڭ ءجىبۋى سالدارىنان بولعان  سۋ تاسقىنىنان زارداپ شەككەن جانە ەۆاكۋاتسيالانعان تۇرعىندارعا بەلسەندى كومەك كورسەتىپ بەرمەك.

Abai.kz