قازاقستانداعى ايەلدەر مەن بالالاردىڭ قاۋىپسىزدىگىن قامتاماسىز ەتۋ تۋرالى زاڭ جوباسىنا سەنات توراعاسى ماۋلەن اشىمباەۆ پىكىر ءبىلدىردى، دەپ حابارلايدى Abai.kz.

باسشىلىقتىڭ سوزىنشە، ەر ازاماتتاردى قورعايتىن زاڭنىڭ كەرەگى جوق.

«مەنىڭشە، ەر ازاماتتاردى قورعايتىن زاڭنىڭ كەرەگى جوق. جالپى ازاماتتارىمىزدى، ايەلدەرىمىزدى، ەر ازاماتتارىمىزدى قورعايتىن ءتيىستى نورمالار بار. ءارتۇرلى قىلمىستىق ارەكەتتەرگە بايلانىستى جاۋاپكەرشىلىكتى كۇشەيتىپ جاتىرمىز. سول سەبەپتى ءبىز سەناتتا قاراپ جاتقان زاڭدى قابىلداعاننان كەيىن ءارى قاراي جاعدايدى قارايمىز. سوندىقتان كەرەك بولسا، ءتيىستى شەشىم قابىلداناتىن بولادى»، – دەدى ول.

ەسكە سالايىق، بۇعان دەيىن دەپۋتاتتار "وتاعاسى تۋرالى" زاڭ قابىلداۋدى ۇسىنعان ەدى.

Abai.kz