ەلىمىزدەگى كولىك سالىعىنىڭ جۇكتەمەسىن قايتا ءبولۋ مۇمكىندىگى پىسىقتالىپ جاتقانىن حابارلايدى قارجى ۆيتسە-ءمينيسترى ەرجان ءبىرجانوۆ.

- قازىر كولىككە قاتىستى جۇمىس توبى ءتيىستى تالقىلاۋ وتكىزدى. ءبىز بۇل ماسەلەنى «اتامەكەن» ۇلتتىق كاسىپكەرلەر پالاتاسىمەن ۇكىمەت دەڭگەيىندە قاراستىرىپ جاتىرمىز. رەسمي مالىمدەمە جاساۋعا ءالى ەرتە، ويتكەنى شەشىم ءالى تۇپكىلىكتى قابىلدانعان جوق.

ءبىز 20-30 جىل پايدالانىلىپ كەلە جاتقان ەسكى كولىككە قاتىستى ماسەلە كوتەرىپ جاتىرمىز. ياعني، تۇزەتۋ كوەففيتسيەنتىن قولدانۋدى ۇسىندىق، ياعني ولارعا جاڭا اۆتوموبيلگە ارنالعان ستاۆكا بويىنشا سالىق سالىنبايدى.

سونىمەن قاتار، حالىققا جۇكتەمەنى ازايتۋعا باعىتتالعان باسقا دا ۇسىنىستار بار. ال ەگەر تىم قىمبات كولىك بولسا، بۇل رەتتە ءسان-سالتانات سالىعى ەسكەرىلمەك. وسى ارقىلى سالىق جۇكتەمەسىن قايتا ءبولۋ مۇمكىندىگى پىسىقتالىپ جاتىر، - دەدى ە. ءبىرجانوۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

سونداي-اق، ول جاقىندا جاڭا سالىق كودەكسىنىڭ جوباسى تانىستىرىلاتىنىندا ەسكەرتتى.

Abai.kz