بىلتىر 2022 جىلعا قاراعاندا ميگرانتتار 20 پايىزعا كوپ ولگەن.
حالىقارالىق ۇيىمنىڭ مالىمدەمەسىندە «ادام ءولىمىن توقتاتۋ ءۇشىن شۇعىل تۇردە شارا قولدانۋ قاجەت» دەپ جازىلعان.
جىلدا جۇزدەگەن مىڭ ادام قاۋپتى جەرلەر ارقىلى زاڭسىز كوشۋگە تالپىنا. قاۋىپسىز ءارى تۇراقتى ميگراتسيا جولدارىنا كوپشىلىكتىڭ جاعدايى جەتپەيدى.
جەرورتا تەڭىزى ارقىلى وتەتىن جولدار ميگرانتتار ءۇشىن قاۋىپتىسى بولىپ تۇر. مۇندا بىلتىر كەم دەگەندە 3129 ادام ولگەن نەمەسە ءىز-ءتۇسسىز جوعالعان.
حالىقارالىق ۇيىم 2014 جىلى «جوعالعان ميگرانتتار» جوباسىن دايىندادى. جوبا ولگەن، جوعالعان ادامدار تۋرالى مالىمەتتەر بازاسىن قۇرۋدى قاراستىرادى. سودان بەرى الەم بويىنشا 63 مىڭنان استام ادامنىڭ ءىسى حاتتالعان.
دەرەككوزى: centralasian.org
Abai.kz
