بىلتىرعى جىلمەن سالىستىرعاندا باسپانالارىن ساقتاندىرعىسى كەلگەن ازاماتتاردىڭ سانى 80% ارتقان. مۇنداي قارقىندى ارەكەتكە جەر سىلكىنىسى سەبەپ بولعان.

سەيسميكالىق قاۋىپتى ايماقتا ورنالاسقان الماتى حالقى سوڭعى ءبىر ايدان بەرى ساقتاندىرۋ بويىنشا كوش باستاپ تۇر. ساقتاندىرىلعان باسپانالاردىڭ دەنى يپوتەكاعا الىنعان ۇيلەر.

ۇلتتىق ستاتيستيكا بيۋروسىنىڭ مالىمەتىنشە، بىلتىر ەكى ايدا نەبارى 482 نىسان ساقتاندىرىلسا، بۇل جولى سان 855-كە جەتىپ وتىر.

ماماندار تابيعي اپاتتاردان كەيىن ستاتيستيكادا ءوسىمنىڭ بولاتىنى قالىپتى جاعداي ەكەنىن ايتتى.

"مۇلىكتى ساقتاندىرۋ بويىنشا جاقسى قىزمەت تۇرلەرى شامامەن ءۇي قۇنىنىڭ 0,4-0,5 پايىزى بولادى. ماسەلەن، باسپاناڭىز 100 ميلليون تەڭگەگە باعالانسا، وندا جىل سايىن شامامەن 500 مىڭ تەڭگە تولەۋىڭىز كەرەك. بۇعان دەيىن كوبىنە مۇنداي قىزمەتتەردى دەمالىسقا كەتكەندەر مەن باسپاناسىن ۋاقىتشا بوس قالدىرعاندار پايدالاناتىن. قازىر الماتىداعى جەر سىلكىنىسىنە قاتىستى دا الىپ جاتىر", – دەدى ساقتاندىرۋشىلار قاۋىمداستىعىنىڭ توراعاسى ۆيتالي ۆەرەۆكين.

مۇلىكتى ساقتاندىرۋ بويىنشا قازىرگى ۋاقىتتا استانا قالاسىنىڭ تۇرعىندارى كوش باستاپ تۇر. سەيسميكالىق ايماقتا ورنالاسقان الماتى قالاسى ەكىنشى ورىندا. جالپى رەسپۋبليكا بويىنشا ەل ازاماتتارىنىڭ ەكى پايىزعا جۋىعى عانا وسىنداي كومەككە جۇگىنگەن.

Abai.kz