قازاقستان مۇسىلماندارى ءدىني باسقارماسى قازاقستاننىڭ ءبىر ۋاقىت بەلدەۋىنە كوشۋىنە بايلانىستى ناماز ۋاقىتى 1 ناۋرىزدان باستاپ جاڭاراتىنىن حابارلادى.

"29 اقپاننان 1 ناۋرىزعا قاراعان ءتۇنى ساعات 00:00-دە قازاقستان بويىنشا UTC (دۇنيەجۇزىلىك ۇيلەستىرىلگەن ۋاقىت) +5 ۋاقىتىنا اۋىسقان ساتتە ناماز ۋاقىتتارى دا اۆتوماتتى تۇردە وزگەرەدى. قازاقستان مۇسىلماندارى ءدىني باسقارماسىنىڭ رەسمي www.muftyat.kz سايتىنداعى ناماز كەستەسىنەن وزدەرىڭىزگە قاجەتتى اۋىل مەن قالاداعى ناماز ۋاقىتتارى جايلى مالىمەتتەردى الۋعا بولادى", – دەلىنگەن ءدىني باسقارمانىڭ حابارلاماسىندا.

ەسكە سالايىق، 2024 جىلدىڭ 29 اقپانىنان 1 ناۋرىزعا قاراعان ءتۇنى ساعات 00:00-دە استانا، الماتى، شىمكەنت، اباي، اقمولا، جامبىل، جەتىسۋ، قاراعاندى، قوستاناي، پاۆلودار، سولتۇستىك قازاقستان، تۇركىستان، ۇلىتاۋ جانە شىعىس قازاقستان وبلىستارى جەرگىلىكتى ۋاقىتتى 1 ساعاتقا ارتقا جىلجىتادى. سايكەسىنشە، قازاقستاننىڭ بارلىق ايماعى 5-ءشى ساعاتتىق بەلدەۋدە ورنالاسادى.

Abai.kz