بالالار ومبۋدسمەنى ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ تۋرالى جاڭا زاڭ جوباسى قابىلدانعاننان كەيىن نە وزگەرەتىنىن ءتۇسىندىردى
دينارا زاكيەۆا ماجىلىسمەندەر قابىلداعان وتباسىلىق-تۇرمىستىق زورلىق-زومبىلىق تۋرالى زاڭ جوباسى تۋرالى ايتتى، دەپ حابارلايدى Abai.kz El.kz اقپارات اگەنتتىگىنە سىلتەمە جاساپ.
بۇگىن ءبىز پرەزيدەنت تاپسىرماسىمەن مەملەكەتتىك ورگاندارمەن، دەپۋتاتتارمەن جانە ۇەۇ-نىڭ قاتىسۋىمەن بىرنەشە اي بويى جۇمىس ىستەگەن ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ تۋرالى زاڭ جوباسى ءبىرىنشى وقىلىمدا قابىلداندى. جىل باسىندا مەملەكەت باسشىسى زورلىق-زومبىلىققا قارسى كۇرەستەگى ەڭ ماڭىزدى قاعيدات — قوعامدا بۇل زۇلىمدىققا نولدىك توزىمدىلىكتى دامىتۋدى اتاپ ءوتتى. وسى پوستۋلاتتىڭ ىسكە اسىرىلۋى زورلىق-زومبىلىق ءۇشىن جازانىڭ بۇلتارتپاۋشىلىق قاعيداتىن قامتاماسىز ەتەتىن وسى زاڭ جوباسى بولا الادى، - دەيدى ومبۋدسمەن.
بۇل رەتتە، زاڭ جوباسىندا كەشەندى ءتاسىل كوزدەلگەنىن اتاپ ءوتۋ ماڭىزدى:
بىرىنشىدەن، بۇل كەلەسىلەرگە باعىتتالعان:
- الدىن الۋ شارالارى; وتباسىن قولداۋ ورتالىقتارىن ءار اۋداندا اشۋ; بالالاردى پسيحولوگيالىق قولداۋ ورتالىقتارىن اشۋ;
- قيىن ومىرلىك جاعدايداعى وتباسىلارعا كومەك كورسەتۋدى ۇيىمداستىرۋ قۇزىرەتىن بەكىتۋ;
- اگرەسسورمەن پسيحولوگيالىق جۇمىس (قر قك ەرەكشە تالاپتار ينستيتۋتىن ەنگىزۋ اياسىندا);
- زورلىق-زومبىلىققا، بۋللينگكە تاپ بولعان بالالارعا كومەك كورسەتۋ باعدارلامالارىن ازىرلەۋ قۇزىرەتىن بەكىتۋ.
ەكىنشىدەن:
- زورلىق-زومبىلىقتى قىلمىستىق جاۋاپكەرشىلىككە جاتقىزۋ;
- بالالارعا قاتىستى قىلمىستار ءۇشىن جازانى قاتاڭداتۋ:
اتاپ ايتقاندا، ازاپتاۋ (ماقالانىڭ جاڭا رەداكتسياسى); دەنساۋلىققا اۋىر، ورتاشا زيان كەلتىرۋ ءۇشىن; كامەلەتكە تولماعان ادامدى ۇرلاۋ جانە زاڭسىز باس بوستاندىعىنان ايىرۋ ءۇشىن;
- بالا زورلاۋ ءۇشىن باس بوستاندىعىنان تەك ءومىر بويىنا عانا ايىرۋ;
- «بالاعا جىنىستىق سيپاتتا ءتيىسۋ» بابىن ەنگىزۋ;
- بالاعا قاتىستى زورلىق-زومبىلىققا بايلانىستى قىلمىستاردى تەرگەۋ ارەكەتتەرى كەزىندە قاماۋدا ۇستاۋ;
- بالالارعا قىزمەت كورسەتەتىن ۇيىمداردى ليتسەنزيالاۋدى ەنگىزۋ ء(مام، لاگەرلەر);
- بالانى اۆتوبۋستان ماجبۇرلەپ ءتۇسىرىپ تاستاۋ ءۇشىن جاۋاپكەرشىلىك ەنگىزۋ;
- بۋللينگ ءۇشىن جاۋاپكەرشىلىك جانە ت. ب.
زاڭ جوباسىنىڭ جەكەلەگەن نورمالارى ءالى دە تالقىلانادى جانە بۇل رەتتە زورلىق-زومبىلىق پەن قاتىگەزدىكتىڭ ەشقالاي تۇسىندىرىلمەيتىنىن جانە اقتالمايتىنىن ەستە ۇستاعان ءجون. بۇل، مەنىڭشە، ءبىراۋىزدان كەلىسىلگەن قاعيدا جانە قوعام ءۇمىتى، پەتيتسيالار، ۇندەۋلەر مەن ەڭ وكىنىشتىسى - ءار كورسەتكىشىنىڭ ارتىندا بالا نەمەسە ونىڭ اناسىنىڭ ءومىرى تۇرعان جانتۇرشىگەرلىك ستاتيستيكا بۇعان دالەل. بالالار مەن ايەلدەرگە قاتىستى زورلىق-زومبىلىققا توسقاۋىل قويا الاتىن ءتيىمدى جانە جۇمىس ىستەيتىن زاڭ قابىلداۋىمىز ماڭىزدى، - دەپ جازجى دينارا زاكيەۆا.
Abai.kz
