ماڭعىستاۋدان شىققان قوس چەمپيون
6-شى قاراشا كۇنى وبلىس اكىمى اليك ايدارباەۆ جاقىندا الماتىدا بولىپ وتكەن بوكسشىلاردىڭ الەمدىك چەمپيوناتىنىڭ جۇلدەگەرلەرى ادىلبەك نيازىمبەتوۆ پەن بەرىك ءابدىراحمانوۆتى شاقىرىپ، قۇرمەت كورسەتتى.
سونداي-اق بۇل جيىنعا وبلىسىمىزداعى سپورت ۇيىمدارىنىڭ باسشىلارى، ارداگەر سپورتشىلار، وبلىستىق اكىمدىك اپپاراتىنىڭ جاۋاپتى قىزمەتكەرلەرى مەن باق وكىلدەرى قاتىستى.
جيىندى وبلىس اكىمى قىسقاشا ءسوز سويلەپ اشتى:
«14-26 قاراشا ارالىعىندا الماتىدا وتكەن الەم چەمپيوناتى ءبىزدىڭ بوكسشىلارىمىزدىڭ داڭقىن بۇكىل الەمگە جايدى. بۇل دوداعا تورتكىل دۇنيەنىڭ ءتورت بۇرىشىنان 540 سپورتشى جينالدى. ولاردىڭ وسالى جوق، ولاردىڭ ءبارى دە ءوز ەلدەرىنىڭ چەمپيوندارى، ۇكىلەپ قوسقان ۇمىتتەرى. مىنە، وسى الاماندا ءبىزدىڭ بوكسشىلارىمىز وزدەرى-ءنىڭ ناعىز مايتالمان ەكەندىكتەرىن دالەلدەپ، تاماشا تابىسقا جەتىپ، ەل مەرەيىن كوتەرىپ تاستادى. بوكسشىلارىمىز وسى دودادا 4 التىن، 2 كۇمىس جانە 2 قولا مەدال الىپ، جالپى كوماندالىق ەسەپتە ءبىرىنشى ورىنعا شىقتى.
6-شى قاراشا كۇنى وبلىس اكىمى اليك ايدارباەۆ جاقىندا الماتىدا بولىپ وتكەن بوكسشىلاردىڭ الەمدىك چەمپيوناتىنىڭ جۇلدەگەرلەرى ادىلبەك نيازىمبەتوۆ پەن بەرىك ءابدىراحمانوۆتى شاقىرىپ، قۇرمەت كورسەتتى.
سونداي-اق بۇل جيىنعا وبلىسىمىزداعى سپورت ۇيىمدارىنىڭ باسشىلارى، ارداگەر سپورتشىلار، وبلىستىق اكىمدىك اپپاراتىنىڭ جاۋاپتى قىزمەتكەرلەرى مەن باق وكىلدەرى قاتىستى.
جيىندى وبلىس اكىمى قىسقاشا ءسوز سويلەپ اشتى:
«14-26 قاراشا ارالىعىندا الماتىدا وتكەن الەم چەمپيوناتى ءبىزدىڭ بوكسشىلارىمىزدىڭ داڭقىن بۇكىل الەمگە جايدى. بۇل دوداعا تورتكىل دۇنيەنىڭ ءتورت بۇرىشىنان 540 سپورتشى جينالدى. ولاردىڭ وسالى جوق، ولاردىڭ ءبارى دە ءوز ەلدەرىنىڭ چەمپيوندارى، ۇكىلەپ قوسقان ۇمىتتەرى. مىنە، وسى الاماندا ءبىزدىڭ بوكسشىلارىمىز وزدەرى-ءنىڭ ناعىز مايتالمان ەكەندىكتەرىن دالەلدەپ، تاماشا تابىسقا جەتىپ، ەل مەرەيىن كوتەرىپ تاستادى. بوكسشىلارىمىز وسى دودادا 4 التىن، 2 كۇمىس جانە 2 قولا مەدال الىپ، جالپى كوماندالىق ەسەپتە ءبىرىنشى ورىنعا شىقتى.
قۇراما كوماندادا ونەر كورسەتكەن ادىلبەك نيازىمبەتوۆ پەن بەرىك ءابدىراحمانوۆ ءبىزدىڭ وبلىستى بوكس بويىنشا قازاقستانداعى الدىڭعى پوزي-تسياعا شىعاردى. بۇل جۇمىستا بوكسشىلارىمىزدىڭ باپكەرى مارات جاكيەۆتىڭ ەڭبەگى زور. ول تالاپتى جاستاردى تاني ءبىلىپ، ولاردى الەمدىك دەڭگەيدەگى بىلعارى قولعاپ شەبەرى ەتىپ تاربيەلەپ شىعاردى»، دەگەن وبلىس اكىمى الەم چەمپيوناتىنىڭ كۇمىس جۇلدەگەرى ادىلبەك نيازىمبەتوۆكە 30 مىڭ دوللاردىڭ، قولا جۇلدەگەر بەرىك ابدىراحمانوۆقا 20 مىڭ دول-لاردىڭ جانە ولاردىڭ باپكەرى مارات جاكيەۆكە 20 مىڭ دوللاردىڭ سەرتيفيكاتىن تاپسىردى.
جاۋاپ ءسوز سويلەگەن باپكەر مارات جاكيەۆ، سپورتشىلارعا جاساعان قامقورلىعى مەن قولداۋ كومەگى ءۇشىن وبلىس باسشىلىعىنا العىس ايتتى. «ءبىزدىڭ تابىستارىمىز وسىنداي قامقورلىقتىڭ ارقاسىندا بولىپ وتىر،- دەدى ول. – سونداي-اق ول اكىمگە كەشەگى الەم چەمپيوناتىندا ءبىزدىڭ جىگىتتەردىڭ قولدارىنا كيىپ شايقاسقان بوكسشى قولعابىن تارتۋ ەتتى.
سونداي-اق ءسوز سويلەگەن ارداگەر بوكسشى مەلكۋموۆ وڭىرىمىزدەن وسىنداي اتاقتى بوكسشىلار شىعىپ جاتسا دا، بوكس ونەرى وڭىرىمىزدە كەرەمەتتەي جاقسى دامي تۇرسا دا، وبلىسىمىزدا كۇنى بۇگىنگە دەيىن ۇيالماي كورسەتكەندەي بىردە-ءبىر بوكس زالى جوق ەكەنىن، وبلىس ورتالىعىنان زاماناۋي ۇلگىدەگى سپورت سارايىن سالامىز دەگەن اڭگىمەنىڭ دە سيىرقۇيىمشاقتانىپ سوزىلىپ بارا جاتقانىن تىلگە تيەك ەتتى. سونداي-اق ول كەرەمەت بوكسشىلاردى دايارلاۋدا باپكەر مارات جاكيەۆتىڭ ەڭبەگى زور ەكەنىن ەرەكشە اتاپ كورسەتتى.
Abai.kz
