مادەنيەت جانە اقپارات ءمينيسترى ايدا بالاەۆا ساحا رەسپۋبليكاسىنىڭ مادەنيەت جانە رۋحاني دامۋ ءمينيسترى افاناسي نوەۆپەن كەزدەستى.

كەزدەسۋ بارىسىندا ەكى ەل اراسىنداعى مادەني بىرلەستىكتى نىعايتۋعا ىقپال ەتەتىن ىنتىماقتاستىقتى دامىتۋدىڭ ءتۇرلى اسپەكتىلەرى تالقىلاندى.

اتاپ ايتقاندا، تاراپتار 2024 جىلدىڭ ءساۋىر ايىندا قازاقستاندا ساحا رەسپۋبليكاسىنىڭ كۇندەرى اياسىندا وتەتىن ءىس-شارالاردى تالقىلادى. ءىس-شارالار استانا مەن الماتىدا ۇيىمداستىرىلاتىن بولادى.

17 ساۋىردەن باستاپ ەلوردا تۇرعىندارى مەن قوناقتارى «ياكۋتيا قازىناسى» كورمەسىندە كورسەتىلەتىن ياكۋتيانىڭ بىرەگەي مادەني مۇراسىمەن تانىسا الادى.

قاليبەك قۋانىشباەۆ اتىنداعى مەملەكەتتىك ۇلتتىق قازاق مۋزىكالىق دراما تەاترىنىڭ كامەرالىق زالىندا «ياكۋتيا ۆيرتۋوزدارى» سكريپكاشىلار ءانسامبلىنىڭ كونتسەرتى، «نۋرگۋن بووتۋر» ولونحو وپەراسى، ماكسيم گوركي اتىنداعى ورىس دراما تەاترىنىڭ زالىندا «كىىس دەبيليە» ولونحو سپەكتاكلى جوسپارلانعان.

سونداي-اق، الماتىداعى مەملەكەتتىك تەاتر زالدارىندا دا كونتسەرتتەر مەن سپەكتاكلدەر ۇيىمداستىرىلادى.

قر مادەنيەت جانە اقپارات مينيسترلىگىنىڭ ءباسپاسوز قىزمەتى

Abai.kz