سەيسەنبى, 21 مامىر 2024
46 - ءسوز 2377 4 پىكىر 12 اقپان, 2024 ساعات 14:34

كىسى ءولتىرۋ قىلمىس! ونى اقتاۋ- ودان وتكەن قىلمىس!

كوللاج: Tengrinews.kz

بۇگىن سالتانات نۇكەنوۆانىڭ ولىمىنە قاتىستى ماڭىزدى اقپارات كەلىپ ءتۇستى. ادۆوكاتتار قازىردىڭ وزىندە ءىس ماتەريالدارىمەن تانىسۋدى اياقتاپتى. بۇل دەگەنىڭىز جاقىندا بيشىمباەۆ سوت الدىندا جاۋاپ بەرەدى دەگەن ءسوز.

بۇل كىسى ءولىمى بۇكىل قازاقستاندى ءدۇر سىلكىندىردى. ءبىزدىڭ ءومىر ءسۇرىپ جاتقان قوعامىمىزداعى وتە ماڭىزدى تاقىرىپ – ايەلدەر مەن بالالارعا قاتىستى زورلىق-زومبىلىق ماسەلەسى كوتەرىلدى. الماتىدا ميتينگتەر ءوتىپ، وتباسىندا تۇرمىستىق زورلىققا ۇشىراعان قانشاما ايەل ءوز باسىنان كەشكەنىن قوعامعا جاريالادى.

مەن كىسى ولتىرگەن ادامنىڭ بارىنشا قاتاڭ جازالانۋى كەرەك دەپ ەسەپتەيمىن.

قازىر سوت باستالار الدىندا باق پەن الەمجەلىدە قۋاندىق بيشىمباەۆتى اقتاۋدىڭ كەزەكتى ناۋقانى باستالعالى جاتىر. ەستەرىڭىزدە بولسا، بۇنداي جاعداي بيشىمباەۆ بىلتىر ۇستالعان سوڭ بىردەن ورىن العان بولاتىن.

كۇدىكتىنىڭ تۋىستارى بىرنەشە PR-اگەنتتىكتەردى جالداعان با دەگەن ويعا قالىپ وتىرمىن. ويتكەنى، كەيبىر ماڭىزدى تۇلعالار دا قۋاندىقتىڭ كوپ ءتىل بىلەتىنىن، ۇلگىلى وتباسى، قاراپايىم دا جاقسى جىگىت ەكەندىگىن جارىسا جازىپ جاتتى.

بىراق ەڭ وكىنىشتىسى، كەيبىرەۋلەر بيشىمباەۆتى جاقسى جاعىنان كورسەتۋگە عانا ەمەس، مارقۇم سالتاناتتى جان-جاقتى جامانداپ، قارالاۋعا دا تىرىسىپ جاتتى. ولار ونى قاتتى ماس بولدى، تابلەتكا ءىشتى دەپ جازدى! سول ىشكەن تابلەتكادان قايتىس بولىپتى دەگەندەر دە بولدى بەتى بۇلك ەتپەي!

كەزىندە جوو رەكتورى بولىپ، قيساپسىز بايلىق جيناعان اكەسى ۇلىنىڭ كىسى ولتىرگەنىن قارالاپ جازدى دەپ بىرنەشە بلوگەر مەن ءجۋرناليستىڭ ۇستىنەن ارىز دا جازدى!

جاقىندا سوت. ەلدەگى تۇرمىستىق زورلىق-زومبىلىقتىڭ شكالاسىنداي بولعان سالتانات نۇكەنوۆانىڭ ولىمىنە قاتىستى شىعارىلاتىن شەشىم، بولاشاقتاعى ايەلدەر مەن بالالار ماسەلەسى ءۇشىن وتە ماڭىزدى بولماق!

وڭعار قابدەننىڭ جازباسى

Abai.kz

4 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2244
ادەبيەت

«سولاي ەمەس پە؟»

عابباس قابىشۇلى 2597
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2565
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1687