قر مەملەكەتتىك كۇزەت قىزمەتىنىڭ  «ساردار» كومانداسى 3-7 اقپان ارالىعىندا ءباا-ءنىڭ دۋباي قالاسىندا وتكەن UAE SWAT Challenge 2024 حالىقارالىق سايىسىندا قولا جۇلدە جەڭىپ الدى.

تاۋەلسىز قازاقستان تاريحىندا تۇڭعىش رەت ەلىمىزدىڭ ارناۋلى بولىمشەسىنىڭ كومانداسى ايتۋلى حالىقارالىق سايىستا جەڭىسكە جەتتى.

بۇكىل الەمنەن جينالعان 80-نەن استام كوماندانى باسىپ وزعان «ساردار» تەك سايىس قوجايىندارىنا - دۋباي قالاسى پوليتسياسىنىڭ ەكى كومانداسىنا عانا جول بەردى.

UAE SWAT Challenge – كۇشتىك قۇرىلىمداردىڭ ارناۋلى ماقساتتاعى بولىمشەلەرى اراسىنداعى چەمپيونات بولىپ تابىلادى. بيىل سايىس بەسىنشى رەت وتكىزىلدى، وعان بۇكىل الەمنەن كەلگەن كوماندالار قاتىسىپ، كەدەرگىلەردەن ءوتۋ، شابۋىلمەن باسىپ الۋ، كەپىلگە الىنعانداردى قۇتقارۋ، جارالىلاردى ەۆاكۋاتسيالاۋ، قارۋ تۇرلەرىنەن اتۋ سەكىلدى كۇردەلى سىناقتاردان ءوتتى.

سايىستىڭ بارلىق كەزەڭدەرىندە  «ساردار» ۇزدىك تاكتيكالىق داعدىلار، كۇش-قۋات، توزىمدىلىك پەن بيىك رۋحىن تانىتتى. ءۇشىنشى جانە ءتورتىنشى كۇندەگى ناتيجەلەر بويىنشا كوماندا سايىستىڭ ۇزدىك ۇشتىگىنەن سەنىمدى ورىن الدى.

چەمپيوناتتىڭ بەسىنشى، شەشۋشى كەزەڭىندە دە «ساردار» جوعارى ارناۋلى جانە تاكتيكالىق ازىرلىگىن جانە مىقتى كوماندالىق رۋحىن كورسەتتى.

قر مەملەكەتتىك كۇزەت قىزمەتى كومانداسىنىڭ جارقىن جەڭىسى - ەلىمىزدىڭ ارناۋلى مەملەكەتتىك ورگانى جەكە قۇرامىنىڭ كۇشەيتىلگەن ۇزدىكسىز دايىندىعىنىڭ، مەملەكەتتىڭ وركەندەۋىنە جانە ونىڭ قاۋىپسىزدىگىن ساقتاۋعا باعىتتالعان پاتريوتتىق تاربيەسىنىڭ جەمىسى.

سايىستىڭ سوڭعى «كەدەرگىلەر جولاعى» كەزەڭىندە ويناتىلعان قر مەملەكەتتىك كۇزەت قىزمەتى جەكە قۇرامىنىڭ جاڭا ءانۇرانى - «رۋح» اۋەنى دە كوماندا مۇشەلەرىن جەڭىسكە جەتەلەگەنى انىق!

«ساردار» كومانداسى ءوزىنىڭ حالىقارالىق سايىستاعى جەڭىسىن بارلىق وتانداستارىنا ارنايدى!

Abai.kz

فوتو: قر مەملەكەتتىك كۇزەت قىزمەتى