سەيسەنبى, 21 مامىر 2024
جاھان جاڭعىرىعى 1012 9 پىكىر 24 قاڭتار, 2024 ساعات 12:37

شۆەتسيا ناتو-عا قوسىلا ما؟ تۇركيا مەن ۆەنگريا نە دەيدى؟

سۋرەت: ۆۆس سايتىنان الىندى

كەشە تۇركيا پارلامەنتى شۆەتسيانىڭ ناتو-عا قوسىلۋىنا داۋىس بەردى. ونى 287 ادام قولداپ داۋىس بەرسە، 55 ادام قارسى داۋىس بەرگەن. سونىمەن ەكى ەل اراسىندا 20 ايعا سوزىلعان كەلىسسوز ناتيجەلى اياقتالدى.

شۆەتسيا 2022 جىلى اقپاندا رەسەي اسكەرى ۋكراينا باسىپ كىرگەن سوڭ، اراعا 2 اي سالىپ ناتو-عا مۇشە بولاتىنىن جاريالاعان ەدى. بىراق تۇركيا تارابى شۆەتسيانى «ەۋرووداق پەن اقش «تەرروريستىك ۇيىم» دەپ تانىعان «كۇرد جۇمىسشىلار ءۇيىمى» پارتياسىنىڭ اتاماندارىن قورعاشتاپ وتىر» دەپ ايىپتاپ، ونىڭ اسكەري ۇيىمعا مۇشە بولۋ سالاۋاتىن قولداۋدان باس تارتقان ەدى.

ەردوعاننىڭ كوڭىلىن تابۋ ءۇشىن شۆەتسيا بيلىگى تەرروريستەرگە قارسى زاڭىن قاتايتىپ، «كۇرد قوزعالىسىنىڭ» ارەكەتىن زاڭسىز دەپ تانىعان. سونىمەن بىرگە شۆەتسيانىڭ فينلانديا، كانادا، گوللانديا قاتارلى وداقتاستارى تۇركياعا قارۋ-جاراق ەكسپورتتاۋ شارتىن جۇمسارتقان.

ودان بولەك تۇركيانىڭ شۆەتسيانىڭ ناتو-عا كىرۋىن جەدەلدەتۋى امەريكانىڭ تۇركياعا F-16 ۇشاعىن بەرۋ ۋادەسىنە بايلانىستى دەلىنەدى. ول شەشىمدى اق ءۇي قابىلداپ قويعانىمەن، كونگرەسس ءالى بەكىتپەگەن.

ناتو-عا مۇشە 32-ءشى ەل اتانۋعا شۆەتسيانىڭ الدىندا ەندى ۆەنگريا تۇر. وربان بيلىگى ۇزاق جىلدان بەرى شۆەتسيانى «بىزگە جاۋ كوزبەن قارايدى» دەپ ايىپتاپ كەلەدى. وعان ەكىنشى تاراپتىڭ ورباندى «زاڭدى اياق استى ەتەدى» دەپ كىنالاعانى سەبەپ بولعان. وتكەن بەيسەنبىدە ورباننىڭ كومەكشىسى گۇلياس: «ولاردىڭ بىزبەن سەنىمدى بايلانىس ورناتۋعا قۇلقى جوق. ەكى ەل قاتىناسى جاقسارعانى ولاردىڭ ناتو-عا كىرۋىنە دە ءتيىمدى بولار ەدى»، - دەگەن.

ايىم نۇرقاليەۆا

Abai.kz

9 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2244
ادەبيەت

«سولاي ەمەس پە؟»

عابباس قابىشۇلى 2600
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2568
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1687