2023 جىلدىڭ 11 جەلتوقسانىنان باستالعان "West Oil Software" جشس قىزمەتكەرلەرىنىڭ ەرەۋىلىن قاراقيا اۋداندىق سوتى زاڭسىز دەپ تانىدى.

ەرەۋىلگە قاتىسۋشىلار ەسوت جۇيەسىنە سايكەس جالاقىنى تەڭەستىرۋ، كومپانيانى «قازمۇنايگاز «ۇك» اق قۇرىلىمىنا كىرگىزۋ جانە ارنايى تەحنيكالاردى جاڭارتۋ تالاپتارىن قويعان بولاتىن. العاشقى ەكى تالاپتاردى ورىنداۋ مۇمكىن ەمەس.

بۇل رەتتە ۇلتتىق كومپانيا ءۇشىنشى ماسەلە بويىنشا تالاپتى قاناعاتتاندىرۋعا دايىن جانە ازىرلەنگەن ءۇش جىلدىق جوسپارعا سايكەس تەحنيكانى جاڭارتۋ پروتسەسىن باستادى.

ورىندالۋى مۇمكىن ەمەس تالاپتاردىڭ قويىلۋى ناتيجەسىندە كومپانياعا كۇن سايىن ماتەريالدىق شىعىن كەلتىرىلۋدە.

بۇگىنگى تاڭدا ەرەۋىلگە قاتىسۋشىلاردىڭ زاڭسىز ارەكەتىنىڭ سالدارىنان كومپانياعا شامامەن 499 ملن. تەڭگە زالال كەلتىرىلىپ وتىر.

بۇل كومپانيانىڭ قارجىلىق جاعدايىنا عانا ەمەس، ەرەۋىلگە شىققان جۇمىسشىلاردىڭ وتباسىلىق بيۋدجەتىنە دە اسەر ەتەدى.

ەرەۋىل باستالعاننان بەرى وسى ەرەۋىلگە قاتىسۋشىلارعا ولاردىڭ ارەكەتتەرىنىڭ زاڭسىزدىعى تۋرالى بىرنەشە رەت ءتۇسىندىرىلدى.

سونىمەن قاتار ارنايى تەحنيكالاردىڭ كەزەڭ-كەزەڭىمەن جاڭارتۋ جۇمىستارى باستالعاندىعى جانە جۇمىسقا شىعۋ قاجەتتىلىگى تۋرالى حابارلاندى.

كومپانيانىڭ ەرەۋىلگە شىققان جۇمىسشىلارىمەن ماسەلەنى كەلىسسوزدەر ۇستەلىندە شەشۋگە شاقىرۋ ارەكەتتەرى ءساتسىز اياقتالدى. جەكەلەگەن بەلسەندىلەر مۇنداي باستامالارعا توسقاۋىل قويىپ، ەرەۋىلدى توقتاتقىسى كەلەتىندەرگە بارلىق تالاپتار جاقىن ارادا ءبىزدىڭ پايدامىزعا شەشىلەدى دەپ ولاردى جاڭىلىستىرۋ ارقىلى ۇستاپ وتىر.

الايدا، ولاردىڭ ۇگىت ناسيحاتىنا قاراماستان، كەيبىر جۇمىسشىلار زاڭسىز اكتسيانىڭ پايداسىزدىعىن ءتۇسىنىپ، ودان باس تارتتى. 50-دەن استام ادام ءوز جۇمىس ورىندارىنا ورالدى. جاقىن ارادا جاڭىلىسقان ادال جۇمىسشىلاردىڭ كوپ بولىگى جۇمىسقا شىعادى دەپ كۇتىلۋدە.

ءبىز ەرەۋىلدىڭ جەكەلەگەن كوشباسشىلارىنىڭ ويلارىن، جەكە قىزىعۋشىلىعى مەن ارەكەتتەرىن بىلەمىز. وسىعان دەيىن جۇمىستان شىعارىلعان 7 بەلسەندى ءۇشىنشى تۇلعالاردىڭ مۇددەسى ءۇشىن "West Oil Software" جشس جۇمىسىنا كەرى اسەر ەتىپ، ونىڭ ورنىنا باسقا كومپانيانى اكەلۋگە تىرىسۋدا.

"West Oil Software" جشس باسشىلىعى 2024 جىلدىڭ 12 قاڭتارىنان باستاپ زاڭسىز ەرەۋىلدىڭ جالعاسۋىنا تۇرتكى بولعان قىزمەتكەرلەردى جۇمىستان شىعارۋعا نيەتتى. بۇل رەتتە قاراقيا اۋدانىنىڭ مانساپتىق ورتالىعىندا جۇمىسسىزدىق بويىنشا ەسەپتە تۇرعان ازاماتتاردى بوس ورىندارعا جۇمىسقا قابىلداۋ جوسپارلانۋدا.

ەگەر مەكەمەمىزدىڭ ءوز مىندەتتەرىن ورىنداۋعا كەدەرگى كەلتىرەتىن ءىس-ارەكەتتەر توقتاتىلماسا، كومپانيا تەرگەلىپ جاتقان قىلمىستىق ءىس شەڭبەرىندە جاۋاپقا تارتۋ تۋرالى ماسەلەنى شەشۋ ءۇشىن ءتيىستى ماتەريالداردى قۇقىق قورعاۋ ورگاندارىنا بەرۋگە ءماجبۇر بولاتىنىن ەسكەرتەمىز.

ءوز كەزەگىندە، "West Oil Software" كومپانياسى ارقاشان ءوز ۇجىمىنا قامقورلىق جاسايدى.

ءبىزدىڭ جۇمىسشىلارىمىزدىڭ جالاقىسى باسقا كولىك كومپانيالاردىڭ جالاقىلارىنان ورتا ەسەپپەن العاندا جوعارى. جۇمىسشىلاردىڭ الەۋمەتتىك پاكەتىن جاقسارتىپ، جالاقىنى كوتەرە وتىرىپ، كومپانيا باسشىلىعى كەزدەسۋ وتكىزىپ ءجۇر.

ءبىز جۇمىسشىلاردى "ات باسىنداي التىن" بەرەمىز دەپ ۋادە ەتەتىن، ءوزىمشىل ماقساتتارىن كوزدەيتىن ارانداتۋشىلارمەن كەلىسپەۋگە شاقىرامىز.

ءبىز پاراساتتى بولۋىمىز كەرەك، وتباسىمىزدى ادال ەڭبەكپەن اسىراپ، بالالارعا دۇرىس تاربيە بەرۋگە مۇمكىندىك بەرگەن كومپانياداعى تۇراقتىلىقتى باعالاۋىمىز كەرەك.

فوتو: اشىق دەرەككوزدەن

"West oil Software" جشس باسشىلىعى

Abai.kz