ەكس - پرەزيدەنت تاۋەلسىزدىك كۇنى رەسەيگە تارتىپ وتىرعان. DALA INSIDE-قا بەلگىلى بولعانداي ءابىشۇلى ءپۋتيننىڭ قابىلداۋىندا بولادى.

كرەمل كوسەمى كەزدەسۋگە اسا ىنتىزار ەمەس، الايدا تىقاقتاپ تۇرىپ العان نۇرەكەڭ اقىرى دىتتەگەن ماقساتىنا جەتسە كەرەك.

اقوردامەن اففيرلەنگەن تەلەگرام كانالداردىڭ ايتۋىنشا ءابىشۇلى اتىشۋلى مەمۋارىن الدىعا سالىپ بارادى. "مەنىڭ ءومىرىم" دەيتىن عۇمىرنامالىق ەڭبەگىندە ەكس-پرەزيدەنت ءپۋتيننىڭ ماقتاۋىن اسىرىپ، استىنا كوپشىك توسەگەن-ءدى.

DALA INSIDE دەرەككوزىنىڭ ءمالىم ەتكەنىندەي نازارباەۆتىڭ كرەمل كوسەمىنە كوزبە-كوز ايتار جەكە بۇيىمتايى بار...

تاۋەلسىزدىك كۇنى ماسكەۋگە ۇشىپ كەتكەن "تۇڭعىشتىڭ" ارەكەتىنەن-اق، ونىڭ ۇلىق مەرەكەگە ءاتۇستى قارايتىنىن اڭعارۋعا بولادى.

كرەملدەن ۇزاپ شىقپايتىن ءپۋتيننىڭ ءابىشۇلىن شامالى كۇتە تۇرۋعا شىدامى جەتەر ەدى.

دەمەك، زەينەتكەردىڭ جۇرەگى تىنىش ەمەس. الدەنەگە الابۇرتىپ ءجۇر. تاۋەلسىزدىك مەرەكەسىن تارك ەتىپ، ماسكەۋگە اتتانىپ كەتكەن نۇرەكەڭنىڭ بۇل كەتىسى تەگىن ەمەس دەپ توپشىلاۋعا بولادى.

Abai.kz