سارسەنبى, 22 مامىر 2024
جاھان جاڭعىرىعى 1676 2 پىكىر 12 جەلتوقسان, 2023 ساعات 16:02

يسپان پرەمەرى: قۇدىستى مەملەكەت دەپ تانۋىمىز كەرەك!

«Telecinco» تەلەارناسىنا بەرگەن سۇحباتىندا يسپانيا پرەمەر-ءمينيسترى پەدرو سانچەس ءيزرايلدىڭ حاماس-قا قارسى جاۋاپ بەرۋىن «اقىلعا سىيىمسىزدىق» دەپ اتادى.

ونىڭ ويىنشا 7 قازاندا بولعان وقيعاعا يزرايل جاعى بايىپپەن قاراپ، نەگە سوققى جاساعانىن سارالاپ بارىپ، الەم جۇرتشىلىعىنىڭ پىكىرىمەن ساناسا وتىرىپ قيمىل جاساۋى كەرەك ەدى.

بۇعان دەيىن، ياعني، قاراشا ايىندا يسپانيا پرەمەر-ءمينيسترى: «حاماس شابۋىلى ءۇشىن جاۋاپ بەرۋدىڭ اقىرى مىڭداعان بالالاردىڭ ءومىرىن قيدى. بۇنى يزرايل جاعى باسا-كوكتەپ قۇدىسقا كىرمەي، اقىلمەن شەشۋى كەرەك ەدى»، - دەگەن پىكىرىن العا تارتا وتىرىپ، حالىقارالىق قاۋىمداستىقتى قۇدىستى مەملەكەت رەتىندە تانۋعا شاقىردى.

ءارى پەدرو سانچەس گازا سەكتورىندا يزرايل گۋمانيتارلىق قۇقىقتى ساقتايدى دەگەنىنە كۇمان بىلدىرەتىنىن اشىپ ايتتى.

يسپانيا پرەمەر-ءمينيسترى ەۋروپادا ءبىرىنشى رەت حاماس جانە قۇدىس تاۋەلسىزدىگىن جاقتاعان تۇلعا رەتىندە اراب الەمىندە زور بەدەلگە يە بولدى. بۇعان جاۋاپ رەتىندە يزرايل مادريدتەگى ەلشىسىن كەرى شاقىرىپ الدى جانە يزرايل ءسىم-ءى يسپانيا ەلشىسىن وزىنە شاقىرتىپ الدى.

سونىمەن حاماس-تى قولداعان ءبىرىنشى ەۋروپالىق ەل رەتىندە يسپانيا مۇسىلمان الەمىندە زور بەدەل جينادى. يزرايلگە بۇيرەگى بۇراتىن باتىس ساراپشىلارى بۇنى ءبىر كەزدەگى جويىتتەردى قۋعىنعا ۇشىراتقان يسپان ينكۆيزيتسيانىڭ جاڭعىرىعى دەپ تاني باستادى.

قۇدىستىڭ ءوز تاۋەلسىزدىگىن الۋى حاماس شابۋىلىنىڭ ارقاسىندا مۇمكىن بولدى دەگەن پىكىرلەر الەمدىك ساياسي ورتادا كەڭىنەن تاراي باستادى. بۇعان يزرايل جاعى استە كونگىسى كەلمەيدى.

Abai.kz

2 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2272
ادەبيەت

«سولاي ەمەس پە؟»

عابباس قابىشۇلى 2624
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2650
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1716