سارسەنبى, 21 اقپان 2024
بىلگەنگە مارجان 1363 2 پىكىر 8 جەلتوقسان, 2023 ساعات 14:55

ليدەرلىك داعدىلاردى ءتۇسىنۋ جانە قولدانۋ

ليدەرلىك – بەلگىلى ءبىر ۇجىمدىق جۇمىستاردى تالاپ ەتەتىن ورتاداعى ادامنىڭ باسقا دا ادامدارعا ىقپال ەتە الۋى. ليدەرلىك قابىلەتتى بويىنا سىڭىرگەن ادامنىڭ باسقارۋ بارىسىندا وزىنە قويىلاتىن جەكە تالاپتارىن ەسكەرۋ ارقىلى سايلانادى. ۇجىمدىق ورتادا ليدەرلىك كوشباسشىلىقتى قاجەت ەتۋدىڭ باستى سەبەبى دەپ قىزمەتكەرلەردىڭ تاراپىنان تۋىنداعان ماسەلەلەرگە جاۋاپ بەرۋى، جوسپاردىڭ قۇرىلۋى مەن سول جوسپاردىڭ ناتيجەسىن باقىلاۋ بارىسى، سونداي-اق جۇمىسشىلاردىڭ قاجەتتىلىكتەرىن قاناعاتتاندىرۋ ماقساتىندا تۋىنداعان.     

كوشباسشىلىقتىڭ تۇرلەرىن جىكتەپ، تۇجىرىمداما جاساعان عالىمدار ليدەرلىك قاسيەتتى ون تۇرگە ءبولىپ قاراستىرادى. بىراق تا، ءبىزدىڭ تۇسىنىگىمىزدە ادامدارعا ءوزىنىڭ ىستەرى مەن جۇمىس جاساۋ قابىلەتتىلىگى ارقىلى اسەر ەتە الاتىن ادامدار كوشباسشىلىق ءۇشىن قويىلاتىن العاشقى تالاپ رەتىندە قابىلدايمىز. كوشباسشىلىق جۇمىستار تەك قانا مەكەمە نەمەسە جۇمىس ورىندارىندا عانا جۇزەگە اسىلۋ كەرەك ءىس ەمەس. ۇجىمدىق ورىندار ياعني مەكتەپ، جوعارعى وقۋ ورنى نەمەسە بەلگىلى ءبىر ادامدار جيىنتىعىنان تۇراتىن ورىنداردىڭ بارلىعى دەرلىك كوشباسشىلىق قاسيەتتەردى العا تارتىپ، كومەگىنە جۇگىنەدى. مىسالعا الىپ قاراستىرساق، ءال-فارابي اتىنداعى قازاق ۇلتتىق ۋنيۆەرسيتەتىندە جۇرگىزىلەتىن “باسقارۋ پسيحولوگياسى” ءپانى تىكەلەي ۇجىمدىق ورتاداعى قىزمەتتەردىڭ جىكتەلۋى، ۇجىمدىق، توپتىق جۇمىستاردىڭ جاسالۋ بارىسىنداعى اتقارىلاتىن قىزمەتتەر مەن باسقارۋداعى قويىلاتىن تالاپتار مەن كوممۋنيكاتسيالىق تۇرعىدا تۇلعالاردىڭ ءوزارا ءبىر-بىرىمەن ارەكەت ەتۋى جايلى تۇسىنىك بەرىلەدى.ياعني، بايقايتىنىمىز باسقارۋ تۇسىنىگى تولىعىمەن دەرلىك كوشباسشىلىقپەن بايلانىستى. ال كوشباسشىلىق قاسيەتتەر تۇلعا بولىپ قالىپتاسقاننان كەيىنگى وقۋ ورنىنداعى نە جۇمىس ورنىنداعى اسا ماڭىزدى قاسيەتتەر قاتارىنا جاتقىزا الادى ەكەنبىز.

عالىم ز.فرەيد كوشباسشىلىق ەكى توپقا ءبولىپ قاراستىراتىن پسيحولوگيالىق پروتسەسس دەپ كورسەتەدى. توپتىق جانە جەكە تۇلعالىق كوشباسشىلىق پروتسەسستەردىڭ نەگىزىندە ليدەرلەردىڭ ۇجىمعا اسەر ەتە الۋى عانا ەمەس، جالپى جۇمىس ورنىنداعى ادامداردىڭ قارىم-قاتىناسى، ولارعا ەموتسيونالدىق تۇرعىدا اسەر ەتە الۋى، قول استىندا قىزمەت ەتەتىن ادامداردىڭ سەنىمىنە كىرىپ ولارمەن جۇمىس بارىسىندا جاقسى ناتيجەگە قول جەتكىزۋدەگى بىرگە وتىلەتىن جولدارىن جاتقىزامىز.

جوعارعى وقۋ ورىندارىندا ارنايى وقىتىلاتىن باسقارۋ پسيحولوگياسى ادام بويىنا تۇلعالىق قاسيەتتەردى دامىتۋداعى ءىس-ارەكەتتەرگە داعدىلانۋعا ۇيرەتەدى. تەوريالىق تۇجىرىمدار مەن ومىرلىك سيتۋاتسيالاردى سالىستىرا وتىرا ادام بويىنا كوشباسشىلىق قاسيەتتەردى ءسىڭىرۋ ءپاننىڭ نەگىزى ماقساتى.

جۋبانازاروۆا ن.س.،
ءال-فارابي اتىنداعى قازۇۋ پسيحولوگيا عىلىمدارىنىڭ كانديداتى، پروفەسسور.
توكسانباەۆا ن.ك.،
پسيحولوگيا عىلىمدارىنىڭ دوكتورى، پروفەسسور
تايبەكوۆا قاراكوز،
فيلولوگيا فاكۋلتەتىنىڭ 1-كۋرس ماگيسترانتى.

Abai.kz

2 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1512
ءالىپبي

لاتىن جايى

بيجومارت قاپالبەك 1558