سارسەنبى, 21 اقپان 2024
بيلىك 2569 23 پىكىر 5 جەلتوقسان, 2023 ساعات 14:28

رەسەيدىڭ ۇسىنىسى: قازاقستانعا اەس-ءتى ءبىز سالىپ بەرەيىك...

1 قىركۇيەكتەگى حالىققا جولداۋىندا پرەزيدەنت توقاەۆ: «اەس سالۋ رەفەرەندۋم ارقىلى شەشىلەدى»، - دەگەن ەدى. تاياۋدا وسى تاقىرىپ قايتا كوتەرىلدى. تالقىنى قايتا ورشىتكەن «روساتوم» مالىمدەمەسى.

رەسەيدىڭ مەملەكەتتىك كورپوراتسياسى  «روساتوم» يادورلىق رەاكتوردىڭ 3+ بۋىنىنداعى جالپى قۋاتى  2400 مۆت بولاتىن ەكى بلوكتىق اەس سالۋعا قۇلىق تانىتقانى تۋرالى رەسەيدىڭ «تاسس» اگەنتىنىڭ اقپاراتىن وقىعاندا شالقامىزدان تۇسە جازدادىق. ءارى «ارمەنيانىڭ كەبىن كيمەيمىز بە؟» دەگەن سۇمدىق ويعا قالدىق. نەگە ارمەنيا؟

ءدال قازىر ەل استاناسى ەرەۆاننىڭ وڭتۇستىگىنەن 30 شاقىرىم جەردەگى مەتسامورا قالاسىندا بۇكىل ارمەنيانى جارىقپەن قامتاماسىز ەتەتىن، 8-باللدىق جەر سىلكىنىسىنە بەيىمدەلگەن ەكى ەنەرگوبلوكتىق ۆ-270 تيپىندەگى ۆۆەر-440 رەاكتورلارى ورنالاسقان، ەنەرگوبلوكتارى 1976 جانە 1980 جىلدارى پايدالانۋعا بەرىلگەن اەس بار. 1982 جىلى 15 قازاندا سول مەتسامورا اەس-ىندە اپات ورىن الدى.

قازىر رەسەي وسى اەس ارقىلى ارمەنيانى اشسا الاقانىندا جۇمسا جۇدىرىعىندا ۇستاپ وتىرعان جايى بار. رەسەيدىڭ باستى كوزىرى مەتسامورا اەس-ءى دەسەك ايتقانىمىز ەش وتىرىك ەمەس. وسى كەپ قازاقتىڭ دا باسىنا تۇسپەسىنە ەش كەپىل جوق. رەسەيدىڭ «اتومدىق شوقپارى» توبەمىزدە ويناماسىن دەسەك، ەۋروپا مەن ازيا جولبارىستارىنىڭ جوباسىن جۇزەگە اسىرۋعا مۇمكىندىك بەرۋ كەرەك. سونىمەن ورىس الەمى ءتىلىمىزدى ساياسي ساحنادا جالماپ بولىپ، ەندى ەكونوميكامىزدىڭ جاندى جەرىنە قانجار سۇقپاقشى. بۇل ءبىزدىڭ پىكىر.

رەسەيدىڭ مەملەكەتتىك كورپوراتسياسى «روساتومنىڭ» ەنشىلەس كاسىپورنى «روساتوم ورتالىق ازيا»  جشس ديرەكتورى سەرگەي گروموۆ: «مەمكورپوراتسيا رەسپۋبليكانىڭ ەلەكتر ەنەرگياسىنا دەگەن 20% مۇقتاجدىعىنىڭ وتەيتىن ءھام الەمدەگى ەڭ قاۋىپسىز بولىپ سانالاتىن اەستىڭ ەكى بلوگىن سالۋدى ۇسىنادى»، – دەپ ءمۇلايىمسىپ مالىمدەدى.

ەندى قىتايلىق CNNC, وڭتۇستىك كورەيالىق KHNP جانە فرانتسۋزدىق EDF كومپانيالارى تۇرعاندا ۇنەمى اپاتقا ۇشىرايتىن ورىس اەس-ىنە كۇنىمىز تۇسكەنى نە جورىق؟..

Abai.kz

23 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1525
ءالىپبي

لاتىن جايى

بيجومارت قاپالبەك 1575