بۇرىنعى پرەزيدەنت نۇرسۇلتان نازارباەۆتىڭ ءىنىسى بولات نازارباەۆ 71 جاسقا قاراعان شاعىندا قايتىس بولدى.

«ساعات 9.28-دە جۇرەگى توقتادى (اسيستوليا). 23 مينۋت ىشىندە رەانيماتسيالىق ءىس-شارالار وتكىزىلدى، بىراق اسەرى بولمادى»، – دەپ حابارلادى Ratel.kz.

2022 جىلى بولات نازارباەۆتىڭ دەنساۋلىعى ناشارلاپ، ارباعا تاڭىلعانى تۋرالى جازىلعان. وعان كومەي وبىرى دەگەن دياگنوز قويىلدى.

بيىل 4 قاراشادا باق بولات نازارباەۆتىڭ اۋىر جاعدايى تۋرالى تاعى دا جازدى. تۇڭعىش پرەزيدەنتتىڭ ءىنىسى قايتادان ينفاركتپەن اۋرۋحاناعا جاتقىزىلعانى بەلگىلى بولدى.

بولات نازارباەۆ 1953 جىلى 23 ناۋرىزدا الماتى وبلىسى قاراساي اۋدانى شامالعان اۋىلىندا دۇنيەگە كەلگەن. 1997 جىلدان باستاپ BN INVEST حولدينگىن باسقاردى. 2016 جىلى «ساليكالى ۇرپاق» قوعامدىق قورىن قۇردى. سول جىلى «پاراسات» وردەنىمەن ماراپاتتالدى.

ەلىمىزدەگى بىرقاتار ستراتەگيالىق سالالارداعى اكتيۆتەردى مونوپوليالىق باسىپ الۋ، سونداي-اق رەيدەرلىك شابۋىلدار جاساۋ سياقتى ارەكەتتەردىڭ كوپشىلىگى بولات نازارباەۆتىڭ ەسىمىمەن بايلانىستىرىلادى.

Abai.kz