قايرات بورانباەۆ بوستاندىققا شىقتى. بۇعان دەيىن سوت بورانباەۆتىڭ جازاسىنىڭ وتەلمەگەن بولىگىن باس بوستاندىعىن شەكتەۋگە اۋىستىرعان ەدى.

سوتتالعان كاسىپكەر تۇرعىلىقتى جەرى بويىنشا پروباتسيالىق باقىلاۋدا بولادى.

«باس بوستاندىعىنان ايىرۋدىڭ وتەلمەگەن بولىگى باس بوستاندىعىن شەكتەۋ تۇرىندەگى جازامەن اۋىستىرىلعان بورانباەۆ 6 قاراشادا باس بوستاندىعىنان ايىرۋ ورىندارىنان بوساتىلدى جانە تۇرعىلىقتى جەرى بويىنشا جازاسىن وتەۋ ورنىنا بارادى»، – دەپ حابارلادى قىلمىستىق-تۇزەۋ جۇيەسى كوميتەتى.

ەسكە سالا كەتسەك، وليگارح بورانباەۆ 15 قىركۇيەكتە 6 جىلعا سوتتالعان بولاتىن. وعان «قىلمىستىق قۇقىق بۇزۋشىلىققا سىبايلاس قاتىسۋشىلاردىڭ تۇرلەرi» (28-باپ، 5-بولىك،), «سەنiپ تاپسىرىلعان بوتەن مۇلiكتi يەمدەنۋ» (189-باپ 4-بولىك 2-پۋنكت) جانە «قىلمىستىق جولمەن الىنعان اقشانى زاڭداستىرۋ» (218-باپ 3-بولىك) باپتارى بويىنشا ايىپ تاعىلىپ، مۇلكى تاركىلەندى.
الايدا قاماۋدا جاتقان بورانباەۆ جاقسى تارتىبىمەن كوزگە ءتۇسىپ، تۇزەۋ مەكەمەسىنىڭ اكىمشىلىگى ونىڭ مەرزىمىنەن بۇرىن بوساتۋ تۋرالى ءوتىنىشىن قولداعان.

سونىمەن قاتار، قايرات بورانباەۆ ءبىلىم بەرۋ قورىنا 30 ميلليارد تەڭگەدەن استام قاراجات اۋدارىپ، فيتنەس-ورتالىعىن، ساۋدا ورتالىعىن، كەڭسە عيماراتتارىن، سونداي-اق مۇناي كەن ورنىن، زاۋىت پەن گاز كومپانياسىن مەملەكەتكە تاپسىردى.

وسىلايشا ول تۇرمەگە قاماۋ جازاسىنان قۇتىلىپ، باس بوستاندىعىن شەكتەۋ جازاسىنا اۋىستىرىلدى.

Abai.kz