بۇگىن قازاقستانعا فرانتسيا پرەزيدەنتى ەممانۋەل ماكرون رەسمي ساپارمەن كەلدى. ونى قر پرەمەر ءمينيسترى ءاليحان سمايىلوۆ كۇتىپ الدى.

سودان سوڭ «اقوردا» رەزيدەنتسياسىندا ەممانۋەل ماكروندى سالتاناتتى تۇردە قارسى الۋ ءراسىمى ءوتتى.

قاسىم-جومارت توقاەۆ پەن ەممانۋەل ماكرون ءبىر-بىرىنە رەسمي دەلەگاتسيا مۇشەلەرىن تانىستىردى. قۇرمەت قاراۋىلىنىڭ باستىعى مەملەكەتتەر باسشىلارىنا راپورت بەرىپ، ەكى ەلدىڭ ءانۇراندارى شىرقالدى.

قازاقستاندا اەس سالۋ ماسەلەسى كوتەرىلىپ جاتقانى بەلگىلى. ال مۇنى سالۋعا باستى ءتورت ۇمىتكەر بار. ولار: رەسەي مەن قىتاي جانە وڭتۇستىك كورەيا مەن فرانتسيا.

بۇگىن فرانتسيا پرەزيدەنتىنىڭ قازاقستانعا ساپارى اياسىندا بىرقاتار كەلىسسوز جۇرگىزىلەدى، اەس سالۋ ماسەلەسى جونىندە دە تالقى بولادى دەپ كۇتىلۋدە.

فرانتسيا پرەزيدەنتىنىڭ قازاقستانعا نە ماقساتپەن كەلگەنى جايلى «Bloomberg» باسىلىمى تالقى جاساپتى. بۇيدەيدى:

«فرانتسيا اسكەرلەرىنىڭ نيگەردەن شىعارىلۋى فرانتسۋزداردى ۋران تاپشىلىعىنا ۇرىندىردى. سوندىقتان پرەزيدەنت ەممانۋەل ماكرون وسى اپتادا ەنەرگەتيكاعا باي ورتالىق ازياعا ساپار شەگىپ، وسى ەلدىڭ يادرولىق رەاكتورلارىندا قولدانىلاتىن ۋراندى جەتكىزۋشى ەكى ەل – قازاقستان مەن وزبەكستانعا بارادى. بۇل ساپار فرانتسيانىڭ ەنەرگەتيكالىق قاۋىپسىزدىگىن نىعايتۋعا باعىتتالعان دەپ توپشىلاۋعا بولادى.

بىراق، «تاياقتىڭ ەكىنشى ۇشى دا بار». «بۇل ساپاردا بۇرىنعى كەڭەستىك رەسپۋبليكالاردى رەسەيگە تاۋەلدىلىكتەن شىعۋعا يتەرمەلەۋگە تىرىسادى. فرانتسۋز شەنەۋنىكتەرى ۋكرايناداعى سوعىس - ايماقتاعى بۇرىننان قالىپتاسقان قارىم-قاتىناستاردى ءۇزىپ، جاڭا مۇمكىندىكتەر تۋعىزادى دەپ بولجايدى. ورتالىق ازيانىڭ وراسان زور مۇناي، گاز جانە مينەرالدى قورلارى رەسەيدىڭ ويىن الاڭى بولىپ تابىلاتىن ورتا ازيا ءۇشىن جاڭا تالاستىڭ باستالعانىن بىلدىرەدى. قىتاي توراعاسى سي تسزينپين «ءبىر بەلدەۋ، ءبىر جول» ينفراقۇرىلىمدىق جوباسى ارقىلى ىقپالىن كەڭەيتۋدە، اقش بولسا ءوزىنىڭ وسى ايماقتاعى ساياسي بەدەلىن نىعايتۋعا ۇمتىلۋدا، ال ەۋروپالىق وداق ايماقتى كاۆكاز ارقىلى رەسەيدى اينالىپ ەۋروپاعا وتەتىن ساۋدا جانە ەنەرگەتيكالىق دالىزبەن بايلانىستىرۋعا ۇمتىلۋدا»، - دەپ تۇسىندىرەدى باسىلىم.

Abai.kz