بۇرىنعى ۆيتسە-مينيستر ت. توقتاباەۆقا قاتىستى قىلمىستىق ءىستى تەرگەۋ شەڭبەرىندە مەملەكەتكە قوستاناي وبلىسىنداعى «شەۆچەنكوۆسكوە» بىرەگەي كەن ورنى قايتارىلدى.

سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتىنشە، كەن ورنىندا نيكەل (1,075 ملن توننا) جانە كوبالت (585,9 مىڭ توننا) قورى بار. پايدالى قازبالار قورىنىڭ قۇنى 5,6 ترلن تەڭگەدەن اسادى.

"بيىلعى 27 قازاندا استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ ت.توقتاباەۆقا قاتىستى ۇكىمى جاريالاندى. ول پايدالى قازبالاردىڭ ءىرى قورى بار كەن ورىندارىن ونىمەن ۇلەستەس تۇلعالارعا بەرۋ كەزىندە اۋىر زارداپتارعا اكەپ سوقتىرعان لاۋازىمدىق وكىلەتتىكتەردى تەرىس پايدالانعانى ءۇشىن كىنالى دەپ تانىلدى", - دەپ جازدى انتيكوردان.

توقتاباەۆقا 7 جىل باس بوستاندىعىنان ايىرۋ جازاسى تاعايىندالدى جانە مەملەكەتتىك قىزمەت اتقارۋ قۇقىعىنان، «ەرەن ەڭبەگى ءۇشىن» مەملەكەتتىك ناگراداسىنان ايىرىلىپ، قىمبات مۇلىكتەرى تاركىلەندى. ولار:

الماتى قالاسى بوستاندىق اۋدانى كوكشوقى شاعىن اۋدانى مەكەنجايىندا ورنالاسقان جەر ۋچاسكەسى;

الماتى قالاسى بوستاندىق اۋدانى الماتى باۋ-باقشا سەرىكتەستىگى مەكەنجايىندا ورنالاسقان تۇرعىن ءۇي;
2021 جىلى شىققان «Mercedes-Benz Maybach S580 4MATIC» ماركالى اۆتو;

2021 جىلى شىققان «Bentley Bentayga V8» ماركالى اۆتو.

ون ءۇش كوممەرتسيالىق ۇيىمنىڭ قاتىسۋ ۇلەسى.

سوت ۇكىمى زاڭدى كۇشىنە ەنگەن جوق.

سىبايلاس جەمقورلىققا قارسى قىزمەت اكتيۆتەردى قايتارۋ بويىنشا جۇمىستى جالعاستىرۋدا.

Abai.kz