قازاقستاندا اەس سالۋ بويىنشا قوعامدىق تىڭدالىم بيىل 22 تامىزدا وتەتىن بولدى.

"قۇرمەتتى جامبىل اۋدانى مەن ۇلكەن اۋىلىنىڭ تۇرعىندارى! 2016 جىلعى 12 قاڭتارداعى "Aتوم ەنەرگياسىن پايدالانۋ تۋرالى" قازاقستان رەسپۋبليكاسى زاڭىنىڭ 12-بابىنا سəيكەس "الماتى وبلىسى، جامبىل اۋدانىندا اەس سالۋ جوسپارى تۋرالى" جاريا تىڭداۋلار وتكىزۋ جوسپارلانعانىن حابارلايمىز. تىڭدالىم وتكىزۋدىڭ مەكەن-جايى مەن ورنى: الماتى وبلىسى، جامبىل اۋدانى، ۇلكەن اۋىلى ورتا مەكتەبىنىڭ ءمəجىلىس زالى. وتكىزۋ كۇنى مەن ۋاقىتى: 2023 جىل 22 تامىز ساعات 11:00-دە", - دەلىنگەن حابارلامادا.

بۇعان دەيىن الماتى وبلىسى، جامبىل اۋداندىق اكىمدىگى مەن «سامۇرىق-قازىنا» قورى اتوم ەلەكتر ستانتسياسى قۇرىلىسىنا قاتىستى العاشقى قوعامدىق تىڭدالىمدى 28 اقپاندا وتكىزبەك بولعان. بىراق جيىن وتپەي قالدى.

قازاقستاندا اەس قۇرىلىسىن باستاۋ ءالى كۇنگە دەيىن قوعامدا داۋ تۋعىزىپ كەلە جاتىر. پرەزيدەنت توقاەۆ 2022 جىلى شەتەلدىك ينۆەستورلار كەڭەسىنىڭ 34-ءشى پلەنارلىق وتىرىسىندا اەس سالۋدىڭ تيىمدىلىگىن ايتىپ، قازاقستاندا قۇرىلىستى باستايتىن جەردىڭ انىقتالعانىن جاريالاعان ەدى. سونداي-اق مەملەكەت باسشىسى حالىقتىڭ پىكىرىن تىڭداماي تۇرىپ، اەس-ءتىڭ سالىنبايتىنىن مالىمدەدى.

بىلتىر 13 ماۋسىم كۇنى بۇرىنعى ەنەرگەتيكا ءمينيسترى بولات اقشولاقوۆ اتوم ەلەكتر ستانتسياسى الماتى وبلىسىنداعى ۇلكەن اۋىلىندا سالىناتىنىن ايتتى.

«سامۇرىق-قازىنا» قورى 2022 جىلدىڭ قىركۇيەك ايىندا قازاقستانداعى 16 جاڭا باسىم ينۆەستيتسيالىق جوبالار تىزىمىن ۇسىندى. ول تىزىمدە 2032 جىلعا دەيىن اەس سالۋ جوسپارى بار.

تاياۋدا ماۋسىمدا ەنەرگەتيكا مينيسترلىگى اەس ماسەلەسى رەفەرەندۋمعا شىعارىلمايتىنىن مالىمدەگەن.

Abai.kz