رەسەي ءوزىنىڭ بۇرىننان كورسەتىپ كەلە جاتقان قوقان-لوقىسىن ورىنداپ، ۋكراينامەن بىرگە استىق مامىلەسىنە قاتىسۋدان باس تارتتى.

بىراق تۇرىك كوشباسشىسىنىڭ رەسەي فەدەراتسياسىنا كەلىسىمدى ورىنداتۋعا كۇشى جەتەدى. تامىز ايىندا ەردوعان مەن پۋتين كەزدەسەدى، سول كەزدە استىق مامىلەسى تالقىلانۋى مۇمكىن.

امەريكالىق Carnegie باسىلىمىنىڭ حابارلاۋىنشا، قارا تەڭىز باستاماسى استىقتىڭ، ياعني ازىق-تۇلىكتىڭ الەمدىك باعاسىن ۇستاپ تۇرادى. استىق مامىلەسى ىسكە اسىپ تۇرعان ءبىر جىلدا ازىق-تۇلىك باعاسىنىڭ يندەكسى 11,3% - عا تومەندەگەن.

استىق مامىلەسىن جاساسقاننان كەيىن رەسەيدىڭ قىتاي مەن تۇركياعا تاۋەلدىلىگى ارتا تۇسكەن. قارا تەڭىز باستاماسى اياسىندا نەگىزگى استىق الۋشىسى بولا وتىرىپ، قىتاي كەلىسىمدى ءوزىنىڭ بەيبىت جوسپارىنىڭ جەكە تارماعىنا كوشىردى. ماسكەۋ رەسەيلىك كومىرسۋتەكتىڭ ەڭ ءىرى ساتىپ الۋشىسى قىتايمەن ارا-قاتىناسىن شيەلەنىستىرگىسى كەلمەيدى. سونداي-اق رەسەي سانكتسياعا تۇسكەن كوپ تاۋاردى قىتايدا الىپ وتىر.

تۇركيانىڭ رەسەيگە ەكسپورتى قاڭتار-ماۋسىم ايلارىندا وتكەن جىلمەن سالىستىرعاندا ەكى ەسە وسكەن، شامامەن 5 ميلليارد دوللارعا جەتتى. رەسەي، ءوز كەزەگىندە، التى ايدا تۇركياعا 27,7 ميلليارد دوللارعا تاۋار جەتكىزدى.

«انكارا ماسكەۋ ءۇشىن ماڭىزدى لوگيستيكالىق حاب، سونىمەن قاتار رەسەيمەن جوعارى دەڭگەيدە ديالوگ ورناتقان ساناۋلى ەلدەردىڭ ءبىرى»، - دەدى كرەملدە.

Abai.kz